ფეხმძიმობა
|
წუხელ თოვდა, ნეტავ ჩემთან რად არ გაჩნდი, გენახე და ძილში თბილად დაგეხურე... მე ავდექი პირველ თოვლზე განთიადში და ვეძებდი შენს პატარა ნაფეხურებს.
თოვლი, თეთრად დასახული, ასე თეთრად, გულუბრყვილოდ ჰყვავის ასე იმერეთში ტყემლის ხეზე გაზაფხული.
და განთიადს მიხალისებს ეს ზამთარიც, დეკემბერში თოვლის ხვავი, ის თბილისის ხეივნებში კიპარისებს იმერულად გამოასხამს ტყემლის ყვავილს.
ზედ თოვლია თუ ფრიალი ფაფანაკთა?! ანდა იქნებ ავჭალიდან თეთრ კარვებით ადგა ჯარი და თბილისში დაბანაკდა?!
შენობებს და ბაღში ხარდანს ფარავს, თეთრად დასახული... ეს პირველი თოვაც ისე გამეხარდა, როგორც გუშინ მიხაროდა გაზაფხული.
ცხელ ზაფხულის დაბრუნებაც, წვიმაც, ქარიც, უსაქმურად დანაბერი... ბევრი კარგი რამ სცოდნია ამ ბუნებას, მაგრამ, კარგო, შენისთანა არაფერი!. |
პოეზიის გვერდი • • •  • • • ირაკლი აბაშიძის პოეზია |
