ოთარ ჭელიძე - კაცის ხელები

 მე დამეკარგა შიშის გრძნობა,

 ტკივილის გრძნობა

 და შენი ნიშნის მოლოდინში ვეკიდე ანძებს,

 ვეკიდე კლდეებს და ყინულებს,

 ცას და ვარსკვლავებს.

 ზღვა ირწეოდა...

 ხარხარებდა კლდეებში ქარი...

 და ყინულები მიცინოდნენ ცივი თვალებით...

 მაგრამ მე მაინც გავამართლე შენი იმედი

 და მაინც ყველგან, ყველაფერზე დავტოვე კვალი

 ჩემი ხელების,

 შენით სავსე ჩემი ხელების...

პოეზიის გვერდი   • • •     • • •   ოთარ ჭელიძის პოეზია