ხომ შეიძლება სხვა იცინოდეს, შენ კი არადა არ გაგეცინოს, ხომ შეიძლება დაგღალოს დღემ და ლოგინზე მაინც არ დაგეძინოს.
გარდასულ დღეთა სხივზეც იღელვო, სულ ერთი ჭიქა დალიო მაგრამ დათვრე და დარდი ამოიმღერო?
წყალში ჩადგე და მაინც იწვოდე, ხომ შეიძლება მრუდედ ჩათვალონ შენი ცხოვრების ყველა სისწორე?
ცამდის მართალმა ვერ იმართალო, სიბრძნის კოშკამდე ისე ახვიდე, რომ უმეცრებმა გიჟად ჩაგთვალონ.
და გულმა უფრო წყევლად ისურვოს, ხომ შეიძლება სძულდე ვინმეს და შენ ის ვერაფრით ვერ შეიძულო?
სულში მზესავით ბრწყინავდეს ნისლი, ხომ შეიძლება გიყვარდეს ვინმე, მაგრამ არასდროს არ იყო მისი.
მერე უბრალო შუქი გამოდგეს, ხომ შეიძლება ლექსს გიბეჭდავდნენ, გიხაროდეს და არ გიხაროდეს.
გულიდან ცივად დაძრულ წყაროებს, მერე ეჭვები არ გვასვენებენ და ცხელ ცრემლებად მოწანწკარობენ.
გრძნობ ამ ტაატში ყველა მგზავრია, ჩვენს უკანასკნელ სადგურებს ველტვით, გვიხარია და არ გვიხარია..
და ენძელებიც იქცნენ იებად, გძულდეს და მაინც გიყვარდეს ძლიერ... ეს ყველაფერი, ხომ შეიძლება? |
პოეზიის გვერდი • • • • • • მორის ფოცხიშვილის პოეზია |