ფეხმძიმობა
”ლანჩი” (Lunch) - მეორე საუზმეა. მასზე მიწვევა ჩვეულებრივ, ტელეფონით, განსაკუთრებულად საზეიმო შემთხვევებში კი მოსაწვევებითაც ხდება. მიღების გამართვის დრო მერყეობს 12 დან 13 საათამდე.
ლანჩის დროს, სხდებიან სუფრის გარშემო. გამოიყენება ჩვეულებრივი სასადილო ან რამდენიმე ერთად მიდგმული პატარა მაგიდა.
იმის მიხედვით, თუ რამდენად ოფიციალურია მიღება, განისაზღვრება ფერად სუფრას დააფარებენ მაგიდას, თუ ყველა სტუმრის წინ დადებენ სპეციალურ თეფშის დასაფენს. საფენები შეიძლება იყოს სხვადასხვა მასალის: სელის, მოქარგული ტილოს, გიპიურის ან პლასტიკური.
ლანჩის დროს არ არის მისაღები ქათქათა თეთრი გლუვი ტილო, რომელსაც სადილობის დროს აფარებენ მაგიდას. სერვირება, როგორც ოფიციალურ სადილზე ისევე ხდება. სუფრის მორთვა შეიძლება ლარნაკში ჩაწყობილი ყვავილებით, ხილითა და სანთლებით.
ჩვეულებრივი ლანჩის დროს, ორი-სამი კერძის მონაცვლეობა საკმარისია. ჩვეულებრივ, სთავაზობენ სუფს ფინჯნით, კვერცხს ან ზღვის ხამანწკებს, ფრინველის ან ოთხფეხა პირუტყვის ხორცს და თევზს. მოგვიანებით ხილს, სალათსა და დესერტს. ლანჩის დროს, მიზანშეწონილია ცხელი კერძებით გამასპინძლება.
ნებისმიერი ლანჩის დამახასიათებელი შტრიხია: ცხელი ნამცხვრები, ორცხობილები, რბილი ბისკვიტები, ინგლისური ბისკვიტები, ფენოვანი ღვეზელები, სიმინდის ხრაშუნა პური და სხვა, ასევე შეიძლება მსუბუქი ღვინო.
თუმცა ტიპიური სასმელი, რომელსაც ლანჩის დროს მიირთმევენ არის ჩაი და ყავა ყინულით. ჩაის ასხამენ ფინჯნებში და მიირთმევენ პიტნის ნორჩ ფურცლებთან ერთად.
