ფეხმძიმობა
მიღება „შვედური მაგიდა“ სათავეს იღებს შვედეთიდან, სწორედ აქედან გამომდინარეობს მისი სახელწოდება.
შვედური მაგიდა მოსახერხებელია იმით, რომ მასზე შესაძლებელია მეტი სტუმრების მოწვევა, ვიდრე ჩვეულებრივ სადილზე. ის იმართება იგივე საათებში, რა საათებშიც იმართება მიღება „სადილი“. ასეთი მიღების ორგანიზება საკმაოდ უბრალოა, რადგან მარტივია სერვირება და სტუმრების მომსახურება.
მიღებისას შვედური მაგიდა კედელთან, ან დარბაზის ცენტრში იდგმება და მასზე მასიურ, გადასაფარებელს აფარებენ, რომლის კიდეები იატაკამდე წვდება.
მაგიდის ცენტრში თავსდება ცივი საუზმეული, სოუსები, ძეხვეული, ყველი, ხორცი, ბოსტნეული, ხილი, ორცხობილები, სხვადასხვა საკონდიტრო ნაწარმი, წვენები და მინერალური წყალი და სხვა...
მაგიდის კიდეებზე, მწკრივებად ან სამკუთხედებად იდგმება: არყის ან კონიაკის ჭიქები. წვენის ჭიქები და ღვინის ბოკლები. თეფშები იდგმება ერთმანეთზე დაწყობილი სახით. დანა–ჩანგალი დეკორატიულ ჭურჭელში იწყობა, ან ნახაზის სახით მაგიდაზე განლაგდება.
ხელსახოცები ჯგუფ–ჯგუფად რამდენიმე სხვადასხვა ადგილას იდება. მაღალ ღეროებიანი ყვავილები, მაღალ ლარნაკებში იწყობა და ესთეტიკურად განლაგდება შესაფერის ადგილებზე.
სტუმრები უახლოვდებიან მაგიდას, მარცხენა ხელით იღებენ ხელსახოცს, რომელზეც დგამენ თეფშს დანა-ჩანგლით და განალაგებენ თეფშზე სასურველ კერძს. მარჯვენა ხელში იღებენ ღვინის ბოკალს ან ჭიქას წვენისა ან სხვა გასაგრილებელი სასმელისთვის.
შეარჩევენ რა სასურველ საუზმეულს, სტუმრები გადაადგილდებიან და სხდებიან პატარა მაგიდებთან, დივნებზე ან სავარძლებზე, ახლოს სასურველ თანამოსაუბრე სტუმართან.
გარდა ამისა მასპინძლებმა უნდა იზრუნონ მისთვის, რომ ყველა შესაძლო კუთხეში ან სხვა ოთახებში, სადაც შეიძლება სტუმრები გადაადგილდნენ, იდგეს პატარა მაგიდები, რათა სტუმრებს თეფშების მუხლებზე დადების გარდა ქონდეთ მათი ამ მაგიდებზე განთავსების საშუალება.
ღვინო, კოქტეილი და სხვა ალკოჰოლური სასმელები იდგმება ბართან ან იმ მაგიდებთან სადაც მომსახურე პერსონალი დგას.
დრეს–კოდი იგივეა რაც სადილის შემთხვევაში.
