ფეხმძიმობა
პოლიტიკოსს თავისი მოღვაწეობის მანძილზე ურთიერთობა უხდება უამრავ ადამიანთან, როგორც პირადი, ასევე საჯარო შეხვედრების დროს.
რა თქმა უნდა პოლიტიკოსის წარმატებული მოღვაწეობის არანაკლებ მნიშვნელოვან ფაქტორს წარმოადგენს ის, თუ როგორ აღიქვამენ მას გარშემომყოფები. ხოლო ეს აღქმა დიდად არის დამოკიდებული თვითპრეზენტაციაზე - საკუთარ თავთან მუდმივად მუშაობისა და თვითწარმოჩინების უნარზე.
არ არის საკმარისი შეხვიდეთ ადამიანებთან ურთიერთობაში, კეთილმოსურნედ გაიღიმოთ და გაიფიქროთ, რომ მომხიბლავი ადამიანის იმიჯი გარანტირებული გაქვთ.
თვითპრეზენტაცია - არასტატიკური განზომილებაა, რომელიც ექვემდებარება კორექტირებას და განიცდის ცვლილებებს როგორც დადებითი, ასევე უარყოფითი მიმართულებით.
მაინც რა არის მთავარი? რას ეყრდნობა კონკრეტული პიროვნება ადამიანებთან ურთიერთობის დროს და რაზეა დამოკიდებული შთაბეჭდილებები, რომელსაც ახდენს? - ეს არის:
- გამოხედვა, ჟესტი, მიმიკა, ღიმილი, სხეულის მოძრაობა (არავერბალური ურთიერთობის ატრიბუტები);
- ინტონაცია, საუბრის ტემპი (ვერბალური ურთიერთობის ატრიბუტები);
- სამოსი;
პოზიტიური თვითპრეზენტაციის საფუძველს, ამ სამი განზომილების ჰარმონია წარმოადგენს (თავდაჯერებულობისა და კეთილმოსურნეობის კონტექსტში).
ფსიქოლოგების მიერ დადგენილია, რომ სწორედ დადებითი თვითპრეზენტაციის მქონე ადამიანები ფლობენ მრავალფეროვან, ღირსეულ თვისებებს და გაცილებით მიმზიდველები არიან როგორც პროფესიულ კარიერაში, ასევე პირად ცხოვრებაში.
