ფეხმძიმობა
აგრემანი არის ტერმინი, რომელიც გამოიყენება დიპლომატიურ პრაქტიკაში (ფრანგული სიტყვიდან „agreer“ - თანხმობა) და ნიშნავს ერთი სახელმწიფოს მთავრობის თანხმობას, მეორე სახელმწიფოს მთავრობის მიერ წარდგენილი, განსაზღვრული პირის დიპლომატიურ წარმომადგენლად დანიშვნაზე.
აგრემანის მოთხოვნა ხდება მხოლოდ დიპლომატიური მისიის ხელმძღვანელებზე (თანამედროვე პრაქტიკაში - ელჩებზე) და როგორც წესი, მიმღები ქვეყნის საგარეო საქმეთა უწყების გავლით, წინამორბედი ელჩის ან დიპლომატიური მისიის უფროსი თანამშრომლის მიერ.
მიმღები ქვეყნის პასუხისმგებელ პირთან პირადი ვიზიტის დროს, მას სიტყვიერად მიეწოდება საქმის არსი და გადაეცემა ახლად წარდგენილი წარმომადგენლის მოკლე ბიოგრაფიული ცნობა.
ზოგიერთ ქვეყანაში პრაქტიკაშია, საგარეო საქმეთა უწყებაში ოფიციალური ნოტის გაგზავნა აგრემანის გაცემის მოთხოვნით.
უმრავლეს შემთხვევებში, აგრემანის გაცემაზე უარის შეტყობინება არ ხდება. გონივრული ვადის ამოწურვა (4-8 კვირა), წარმოადგენს სიგნალს, რომ შეთავაზებული კანდიდატი არ არის სასურველი.
აგრემანის სიტყვიერი მოთხოვნის შემთხვევაში, დადებითი პასუხის მიღება ხდება ასევე სიტყვიერი ფორმით.
აგრემანის მიღების შემდეგ, დიპლომატიური წარმომადგენლობის მეთაურის თანამდებობაზე, წარდგენილი კანდიდატი განიხილება, როგორც პერსონა გრატა, ხოლო უარყოფითი რეაქცია, ან პასუხი მიმღები ქვეყნის მხრიდან, ნიშნავს, რომ კონკრეტული წარმომადგენელი წარმოადგენს პერსონა ნონ გრატას.
წარმდგენი სახელმწიფოსთვის აგრემანის გაცემაზე უარის თქმის მოტივის შეტყობინება, მიმღები სახელმწიფოსთვის არ არის სავალდებულო.
საერთაშორისო პრაქტიკასთან შესაბამისობაში, აგრემანთან დაკავშირებულ საკითხებთან დაკავშირებული შესაძლო მიმოწერა, ან მსჯელობა გახმაურებას არ ექვემდებარება.
