თუ ყველაფერი არის სიზმარი, თუ ბინდის ფერი არის ყოველი, მაშინ რატომ დგას დღეს მცხეთის ჯვარი, რატომ დგას ისევ სვეტიცხოველი?
სამთავროს სვეტი მცირე და დიდი ან ზედ ქალაქთან შეგუბულ მტკვარში რატომ ჩანს ისევ პომპეის ხიდი?
კედლებს, ნანგრევებს, მკვდარ ნაქალაქევს, სადაც არაგვის უძლეველ მთავრებს სძინავთ - ჩვენს ძველთა ძვალშესალაგებს.
მცხეთას ზღაპრული გახსნეს თაღები, და ჩვენს წინ, როგორც მეორედ მოსვლა, აღსდგნენ არმაზის სარკოფაგები.
აკლდამის ქვებში მარჯვედ ჩასმულებს: საოცარ თვლებით მოჭედილ თასებს, საოცარ თვლებით ნაჭედ სასმურებს,
კვლავ ცოცხლობს რაღაც უცნობ წამალით... (თუმცა ამაოდ ვეძებდით ჩონჩხებს - ქვებში არ ჩანდა ძვლის ნატამალიც)
ამ უცხოდ ნაჭედ განძის მპოვნელი, რომ ყველაფერი არ არის ბინდი, რომ არც სიზმარი არის ყოველი.
ამ ძვირფას თვლებით რომ შემოგვხედეს, სიზმრად მიაჩნდათ ყოველი ქვეყნად, ამ უკვდავ განძის ძველ შემოქმედებს.
ათას წელს ქვებში მოწმედ დებულებს, ათას წლის შემდეგ მაღლა ვწევთ სურებს, სასმურებს, მათგან მოწოდებულებს.
თუ ბინდის ფერი არის ყოველი, რატომ დგას, რატომ დღეს მცხეთის ჯვარი, რატომ დგას ისევ სვეტიცხოველი! |
პოეზიის გვერდი • • • • • • ირაკლი აბაშიძის პოეზია |