წერილის გაგზავნა!
თემატიკა
ქალბატონებს მამაკაცებს ბავშვთა სამყარო ლიტერატურა ჯანმრთელობა ფსიქოლოგია სექსი ბიზნესი ეტიკეტი რელიგია შეუცნობელი ავტო+ მოდა ენციკლოპედიები საიტის შესახებ
 
 
 
 

 

ფული ინტერნეტით

 

ვებ კატალოგი

 

ჰიპი - საქართველო - Aura.Ge

 
  ნანახია 1994 - ჯერ |  
შრიფტის ზომა

 

 

 

ჩამოგვითოვა ქედები

თეთი დახურა მანდილი,

თოვლი ბარადაც გვეწვია

დიდი არა აქვს მანძილი.


სამგლოვიაროდ იმოსვის

ჩვენის სოფლების მიდამო;

უსიამოვნო ამბავი

მიწას ეუწყა ციდანო.


დაღონებულა ტყე-ველი,

დაღონებულან ჩიტები,

ვეღარ ლაღობენ, დაწყნარდენ

ის მგალობლები, ცქვიტები.


ირემმაც ფერი იცვალა,

მთას უცქერს გაშტერებული,

უკვირს, რა ექნა ბალახი:

სამყურა გახელებული.


შველმა მოძებნა მაყვალი,

ზაფხულში დაწუნებული,

ჰკორტნის, არ სწუნობს ეხლა-კი

თვალ-მარდი, გახუნებული.


დატკბა და ძვირად დაფასდა

ბუხარი გახურებული,

გაწმინდა მონადირემაც

სიათა დაჟანგებული.


აქამდის მოცლით არ იყო

საქმისგან დაბანდებული.

წრიაპებს ეძებს ბერიძე,

ხუჩებს წნავს გაჩქარებული.


წავა და დასდევს ორბებსა

მთა-მთის პირთ გამალებული,

თუ მოჰკლავს, გამობრუნდება,

შინ მოდის გახარებული.


წინ ცოლი მიეგებება,

ქმარს ნაბადს უგებს კერაზე,

დააძრობს ფეხთით საცმელებს,

იქვე გადაჰფენს ძელაზე;


არ ზარობს, ცოლი მზად არის

გაყინულის ქმრის შველაზე.

გაჩაღებული ცეცხლია…

მხრებზე მოახვევს დურასა.


ერთს ყანწს არაყსაც მოუტანს,

ბერიძე გადიწურავსა.

დალაღებული ბალღები

გაიძახიან „ურასა“.


აშიშინდება მწვადები

წვენის წვეთ-წვეთად დენითა.

ბალღებს ჩიჩია ალაღებს,

ტუჩებს ილოკენ ენითა.


კატაც მიმჯდარა კერას პირს

თავის ულვაშით, წვერითა.

ისიც მოელის ერთს ჩიჩქსა,

რომ გაისველოს პირია.


სახლის ბოძებიც ხარობენ,

დღეს იმათთვისაც ლხინია:

მათზეა ასოდ აქნილი

ხარი-ირემი ღვინია.

ყველაცა ხარობს სახლშია,

რაღაა გასაჭირია.


ხორცი ბევრი და ნაფქვავი,

შეშაც დერეფანს მრავალი,

კიდევაც დარჩა ტყეებში

ხარ-ირმებისა ნავალი.


დაუკარ, ბიჭო, ჩონგური,

უთხარ თავგადასავალი, -

დაჰმღერე ძველი ამბავი

მამა-პაპისა მრავალი.


თოვლო, ითოვლე, ითოვლე,

მთა-ბარს ჩააცვი სუდარა;

ყინვა, ქარი და ნამქერი

ზამთრის წესია მუდამა.

 
 
 

უკან

 
 
 
  • რეკლამა
  • ჰორო
  • ტესტები

 


 

 


როგორ ავირჩიოთ საყოფაცხოვრებო ტექნიკა

სწრაფი სესხები


როგორ გავიზარდოთ?
როგორ გავიზარდოთ სიმაღლეში

თალიზი - Aura.Ge

 

ღის Aura