წერილის გაგზავნა!
თემატიკა
ქალბატონებს მამაკაცებს ბავშვთა სამყარო ლიტერატურა ჯანმრთელობა ფსიქოლოგია სექსი ბიზნესი ეტიკეტი რელიგია შეუცნობელი ავტო+ მოდა ენციკლოპედიები საიტის შესახებ
 
 
 
 

 

ფული ინტერნეტით

 

ვებ კატალოგი

 
  ნანახია 21064 - ჯერ |  
შრიფტის ზომა

 

 

მომავალი დედა

 

ფეხმძიმობის 1 კვირაგინეკოლოგიურ პრაქტიკაში ფეხმძიმობის ვადის ათვლა ბოლო მენსტრუალური ციკლის მომენტიდან იწყება, თუმცა სინამდვილეში ფეხმძიმობის მომენტი ჯერ არ დამდგარა. მიუხედავად  ამისა ორგანიზმი უკვე იწყებს მომზადებას შესაძლო დედობისათვის.

თქვენი ცენტრალური ნერვული სისტემა აქტიურად ახდენს ჰორმონალური ფონის გარდაქმნას. ეს აუცილებელია რათა მოხდეს თქვენი ერთ-ერთი კვერცხუჯრედის(სულ მიახლოებით 300 000-დან) მომზადება განაყოფიერებისათვის.

უმრავლეს შემთხვევაში ქალმა არ იცის ჩასახვის ზუსტი დღე, მაგრამ ზუსტად იცის ბოლო მენსტრუაციული ციკლის დაწყების დღე.

ამიტომ ქალბატონთა უმრავლესობისათვის, განაყოფიერების (ოვულაციის) დღედ შეიძლება მენსტრუაციის თვიური ციკლის შუა პერიოდი ჩაითვალოს, დაახლოებით ორი კვირით ადრე მომდევნო ციკლის დაწყებამდე.

ამ თარიღიდან გამომდინარე, ფეხმძიმობა 280 დღე გრძელდება, ანუ დაახლოებით 40-42 კვირა ბოლო მენსტრუაციის შემდეგ.

ასე თქვენ შეგიძლაით გამოიანგარიშოთ მშობიარობის სავარაუდო თარიღი, თუ 280 დღეს მიუმატებთ სისიხლდენის დაწყების უკანასკნელ თარიღს. იგივე შედეგს მიაღწევთ თუ სისხლდენის დაწყების ბოლო თარიღს მიუმატებთ 7 დღეს და გამოაკლებთ სამ თვეს.

მოცემული გამოთვლა განსაზღვრავს თქვენი ნაყოფის ჰესტაციონალურ ან მენსტრუალურ ასაკს. სწორედ ამ კალენდარის მიხედვით ადევნებენ თვალყურს ექიმები და ექთნები ნაყოფის განვითარების პერიოდს.

უმეტესობა, ორსულობის ვადას კვირების მიხედვით ითვლის, ასე გაცილებით მარტივია, მოსახერხებელია და ბევრ გაუგებრობას აგაცილებთ თავიდან. მაგალითად, თუ თქვენი ექიმი გეუბნებათ, რომ თქვენ 10 კვირის ფეხმძიმე ხართ, ე.ი ჩასახვა დაახლოებით 8 კვირის წინ მოხდა და მშობიარობა დაიწყება 30 კვირის შემდეგ, ვინაიდან ფეხმძიმობის საერთო ვადა 40 კვირას შეადგენს.

არსებობს ასევე ფეხმძიმობის გამოანგარიშების მსხვილი ერთეული, როგორიცაა ტრიმესტრი. ტრიმესტრი ფეხმძიმობის პერიოდს სამ ფაზად ყოფს. თითოეული ფაზა, რომლის ხანგრძლივობა 13 კვირას შეადგენს ხასიათდება გარკვეული თავისებურებებით. მაგალითად მუცლის მოშლა(ორსულობის ვადამდე შეწყვეტა) ძირითადად პირველ ტრიმესტრში შეიძლება მოხდეს. ამ პერიოდში ხდება ნაყოფის ორგანოების ფორმირება და განვითარება.

ფეხმძიმობის 1-ლი კვირა - ზოგადი რჩევებითუ პირველმა ტრიმესტრმა კარგად ჩაიარა, მეორე ტრიმესტრი ძირითადად სტაბილურობით გამოირჩევა. ხოლო მესამე ტრიმესტრში შეიძლება განვითარდეს ორსულობისათვის დამახასიათებელი ჰიპერტონია (არტერიული წნევის მომატება), ტოქსემია (სისხლში ტოქსინების არსებობა) და პრეკლამპსია (ფეხმძიმეთა გვიანი ტოქსიკოზი).

არსებობს ასევე  მთვარის კალენდრით ფეხმძიმობის გამოთვლის მეთოდი. ის შეესაბამება მთვარის ფაზების ცვლილებების ციკლს და შეადგენს 28 დღეს. ფეხმძიმობის სრული ვადა, რომელიც 280 დღეს უდრის, მთვარის ციკლის 10თვეა.

აუცილებელია იცოდეთ, რომ მშობიარობის ზუსტი დღის გამოთვლა თითქმის შეუძლებელია. 90% ქალბატონებისა მშობიარობს ვადაზე ერთი კვირით ადრე ან ერთი კვირით გვიან. ამიტომ ეს თარიღი მიიჩნიეთ სავარაუდო ორიენტირად, თარიღად, რომლისთვისაც უნდა მოემზადოთ.

 

ორსულობის ნიშნები

 

ფეხმძიმობის ნიშნებიორსულობის მცირე ვადაზე ბევრი ქალი ვერც კი ამჩნევს ამ მოვლენას, რადგან ორსულობის პირველი სიმპტომი მენსტრუაციის არ ქონაა, თუმცა არის შემთხვევები, როდესაც მცირე ვადაზე მენსტრუალური სისხლდენა შეიძლება ჩვეულებრივად გქონდეთ, ამ დროს კი ორსულად იყოთ.

ეს საშიში არ არის, უბრალოდ ორსულობის შესახებ ოდნავ გვიან შეიტყობთ, ამიტომ თავდაპირველად მისი ვადების ზეპირად ზუსტი  დადგენა გაგიჭირდებათ.

ზოგადად, ორსულობის ადრეულ სტადიაზე დადგენა მნიშვნელოვანი ფაქტორია, რადგან ამით შესაძლოა დროულად დაანებოთ თავი სამედიცინო პრეპარატების მიღებას (რომელსაც შესაძლოა იმ პერიოდში იღებთ) და მავნე ჩვევებს (ალკოჰოლი, თამბაქო, ზედმეტი ყავა, ჩაი და ა.შ), რომელთაც შეუძლიათ ზიანი მიაყენონ თქვენს მომავალ ბავშვს.

ასევე მნიშვნელოვანია იმ ფაქტორებისა და ნიუანსების გათვალისწინება, რასაც მოითხოვს ორსულობის დროს სექსუალური ურთიერთობები, რათა საფრთხე არ შეექმნას ორსულობას და ნაყოფის ჯანმრთელობას. იხილეთ:

ორსულობა და სექსი (კომპლექსური სახელმძღვანელო)

აქ მოყვანილია ზოგადი ნიშნები, რომლითაც შესაძლოა გამოიცნოთ, რომ უკვე ფეხმძიმედ ხართ:

» მენსტრუაციის არ არსებობა;

» სისხლდენა და სპაზმები;

» ბაზალური ტემპერატური მომატება;

» ტკივილი მუცლის ქვემოთ და წელის არეში;

» მადის მომატება;

» გემოს შეგრძნების ცვლილება;

» ნერწყვის გადაჭარბებული გამოყოფა;

» გულისრევის შეგრძნება;

» განწყობილების ცვლილება;

» სწრაფი დაღლილობის შეგრძნება;

» გახშირებული შარდვა;

» სარძევე ჯირკვლების გადიდება;

» სარძევე ჯირკვლების ტკივილის შეგრძნება;

» იმპლანტაციური სისხლდენა;

» სასქესო ბაგეების ფერის შეცვლა;

არსებობს ფეხმძიმობის ადრეულ სტადიაზე დადგენის ფაქტორიც - EPF (Early pregnancy factor), ეს ფაქტორი შესაძლებლობას იძლევა ფეხმძიმობის დადასტურება ყველაზე ადრეულ სტადიაზე მოხდეს - ჩასახვის მომენტიდან 6-24 საათის განმავლობაში.

მისმა აღმოჩენამ დიდი ინტერესი გამოიწვია, რადგან აქამდე ითვლებოდა, რომ ემბრიონი (განაყოფიერებული კვერცხუჯრედი), იმპლატანციამდე პერიოდში შეუმჩნევლად "მოგზაურობდა" საშვილოსნოს მილში საშვილოსნოს მიმართულებთ და არავითარ ზემოქმედებას არ ახდენდა მომავალი დედის ორგანიზმზე.

ფეხმძიმობის ადრეული ფაქტორის ღმოჩენასთან ერთად ცხადი გახდა, რომ დედის ორგანიზმი იმპლანტაციისა და წარმატებული ფეხმძიმობისთვის ემზადება ჩასახვის მომენტიდანვე, ანუ კვერცხუჯრდის განაყოფიერებისთანავე ხდება EPF-ს გამომუშავება.

EPF წარმოადგენს იმუნოდეპრესანტს, რომელიც თრგუნავს, ასუსტებს ქალის იმუნურ სისტემას. ამ ნივთიერების გარეშე, იმუნური სისტემა ფეხმძიმობის ადრეულ სტადიაში ემბრიონის საშვილოსნოს კედელში ჩანერგვას მიიღებდა როგორც უცხო, მტრულ სხეულს და მოიცილებდა მას.

გამოკვლევებმა აჩვენეს, რომ სისხლში ფეხმძიმობის ადრეული ფაქტორის-EPF-ს არსებობა, მომავალი დედის ორგანიზმში სიცოცხლისუნარიანი ემბრიონის არსებობას ადასტურებს. ქალები, რომელთაც სექსუალური აქტის შენდეგ 1-2 დღის შემდეგ სისხლში აღმოაჩნდათ EPF, აღმოჩნდნენ ორსულად.

უფრო ცნობილი, საპირისპირო მაჩვენებელია HCG (ადამიანის ქორიონული გონადოტროპინი), რომელის გამოვლენაც მომავალი დედის სისხლში, დაახლოებით - 7-8 დღის შემდეგ არის შესაძლებელი.

იხილეთ ვრცლად: ფეხმძიმობის ნიშნები

 

მომავალი ბავშვი

 

ფეხმძიმობის 1-ლი კვირაჯერ-ჯერობით თქვენი პატარა არ არის რეალური ორგანიზმი.

მისი პირველსახე (უფრო პირველსახის ნახევარი), თქვენი მრავალათასი კვერცხუჯრედიდან ერთ-ერთია, რომელიც თავის ”სასთუმალში”-საკვერცხეში იმყოფება.

ხოლო პირველსახის მეორე ნახევარმა (მამის), ჯერ კიდევ ვერ მოასწრო ზრდასრულ სპერმატოზოიდად ჩამოყალიბება.

(ეს მოხდება დაახლოებით ორი-სამი კვირის შემდეგ).


იხილეთ ვრცლად: ყველაფერი ფეხმძიმობის შესახებ

 
 
 

უკან

კომენტარები
ნატალი
2017-03-14
გამარჯობათ. თვე ნახევარია რაც გავთხოვდი. სამი დღეა რაც მარცხენა მხარეს მუცლის ქვემოთ მტკივა, არც ანთება მაქვს. ზოგჯერ მეწვის. ციკლი ჩვეულებრივად მქონდა წინა თვეს არანაირი დარღვევა და რას ნიშნავს ეგ..ისიც მაინტერესებს არის თუ არა ნორმალური გათხოვებამდეც სულ და მის მერეც ბუნებრივია ციკლი მაქვს წინა თვეშიი რომ მქონდა იმაზე ხუთი დღით ადრე. გთხოვთ მიპასუხოთ რამდენად ნორმალურია ეგ ორი. ძალიან მინდა დავფეხძიმდე უკვე ვნერვიულობ კიდეც.მადლობა წინასწარ
ნინო
2017-01-21
შეკითხვები დასვით სტატიაში ორსულობის ტესტი:

http://www.aura.ge/47-fexmdzimoba/3428-orsulobis-testi.html
izabela
2016-11-15
var 10 dgis gatxovili da dges shevamchnie rom sunamoze da alkofolze mguli mere veravi verafers veubnebi verc meugles sheileba chemi warmosaxva egonot da xteba egeti ram 10 dgis daqorwinebuls daemartoss?
ინგა
2016-08-31
რამდენად რეკომინდირებულია ციკლის დამტავრებისტანავე დასაფეხმციმლებლად ინტიმური კავსჰირის დამყარება?
ნატა
2016-08-03
მაქვს 8 დღიანი გადაცილება გავიკეთე ტესტი და დადებითი პასუხი მიჩვენა.მტკივა საკვერცხეები მაქვს საკვერცხეების ანთება და ასევე მაქვს თეთრადშლა .არის თუ არა ეს საზიანო ნაყოფისთვის
 
 
 
 
გააკეთეთ კომენტარი
 
 
 
  • რეკლამა
  • ჰორო
  • ტესტები

 


 

 

 

ორსულობის კალენდარი
1 2 3 4 5
6 7 8 9 10
11 12 13 14 15
16 17 18 19 20
21 22 23 24 25
26 27 28 29 30
31 32 33 34 35
36 37 38 39 40

 

სწრაფი სესხები


როგორ გავიზარდოთ?

თალიზი - Aura.Ge

 

hipp - Aura.Ge

 

დღის aura