ფეხმძიმობა
ნახატისა და ნაწერის გარჩევა
შემოდის ნახატები, სადაც ხატია სამი ხე და სამი უთო. ასევე გამზადებულია ორი ფირფიტა. პირველზე წერია „სამი ხე, ხეები“; მეორე ფირფიტაზე კი „სამი უთო, უთოები“.
ამ პროცედურების დახმარებით ბავშვები განამტკიცებენ ცოდნას მრავლობითი რიცხვის შესახებ (დასახელების გარეშე).
პროცედურა ნაცნობი მეთოდით წარიმართება. პედაგოგი ბავშვებს უჩვენებს სამი ხის გამოსახულებას და ეკითხება მათ, თუ რა არის მუყაოზე (ან წიგნის შესაბამის გვერდზე) დახატული?
 |
 |
- აქ დახატულია სამი ხე.
სწორია, აქ დახატულია სამი ხე. როდესაც საგანი ერთზე მეტია, შეიძლება ვთქვათ, სხვაგვარადაც, „აქ ხატია სამი ხე“, ან „აქ ხატია ხეები“.
შემდეგ ყურადღებას გაამახვილებინებს მუყაოზე დაწერილ სიტყვებზე და განუმარტავს მათ, რომ აქ წერია სიტყვები: „სამი ხე“, „ხეები“. პედაგოგი ბავშვებს ისევ ეკითხება:
- რა წერია ქვემოთ?
- ქვემოთ წერია „სამი ხე“, „ხეები“.
- აქ რა ხატია? - მიუთითებს პედაგოგი მომდევნო სურათზე.
- ამ მუყაოზე ხატია სამი უთო.
- მეორენაირად როგორ მეტყვით?
- სამი უთო, ანუ უთოები.
- ქვემოთ რა წერია?
- ქვემოთ წერია „სამი უთო“, „უთოები“.
დიახ, დაფაზე გაკრულია სამი ხისა და სამი უთოს სურათი, ხოლო ქვემოთ წერია სიტყვები: „სამი ხე“, „ხეები“; „სამი უთო“, „უთოები“.
ტექსტის შესწავლისა და განმტკიცების მიზნით, ბუნებრივია მასწავლებლის მიერ აქაც ჩატარდება ექვსივე პროცედურა.
