პოლ ვერლენი - რთველი

როდესაც თავში სიმღერა ისმის

და ხსოვნა ხდება სადარი ნისლის,

ეს სიმღერაა ჩუხჩუხა სისხლის,

ჩუმი მუსიკა შორეულ სიზმრის.

ისმინე ჩვენი სისხლის გოდება,

რისგანაც სული ილტვის, გშორდება,

ჯერ არსმენილი ჰანგი მდოვრდება,

ინავლება და გემშვიდობება.

შენ, სისხლო ძმისა, ღვინოვ ვარდისა,

ძმაო ღვინისა, ძარღვში გასულის,

ღვინოვ და სისხლო, სიდიადისა,

იმღერე, მოსთქვი, დასთმე წარსული,

სულიც განდევნე და, ნაწვალები,

წყვდიადს მიაბი ჩვენი მალები.