ბავშვობაში განა ვინმეს დარჩა განუცდელი კარუსელი, კარუსელი, დიახ, კარუსელი!
დირიჟაბლი, სირაქლემა, მანქანა თუ ეტლი?
კუზიანი კვიცი იყო ჩემი არჩევანი.
ვისთვის მხოლოდ გართობაა, ვისთვის ცდა და ზრუნვა.
კარუსელი, კარუსელი, დიახ კარუსელი!
ვერ გაექცა, ვერ დაუსხლტა ბედისწერის სასჯელს.
ვინ ცხენიდან ჩამოვარდა და ვინ ტახტრევნიდან.
ზოგი ითქმის ფოთოლცვენად, ზოგიც - ვარსკვლავთცვენად.
წაღმა ბრუნავს თუ უკუღმა - ბევრმა გავუძელით.
ვარსკვლავების კარუსელი კვეთს კოსმიურ ბურანს.
ვისთვის მხოლოდ გართობაა, ვისთვის მხოლოდ ბრძოლა,
კარუსელი, კარუსელი, დიახ კარუსელი! |
პოეზიის გვერდი • • • • • • შოთა ნიშნიანიძის პოეზია |