"პირი იბრუნა მოსემ და ჩამოვიდა მთიდან. ხელში ორი ფიქალი ეჭირა.." ბიბლია
ღმერთო, ჩამსახე, ჩამანელე, ისევ ჩამსახე, შუქში ჩაფინე ჩასალტობად ცისკრის ტოპაზი და მოეც სულთა სიწრფოება და სიჯანსაღე ზეცის და მიწის გამუდმებულ ამ განდობაში.
ერად, რომელსაც სრულად მოსრავ, სრულად მობალთავ, რომ მერე - ისევ მოამბოხე, ისევ მოჯანყე - მკვდრეთით აღდგეს და აღიმართოს შენს კიდობანთან.
და სულ სხვა რწმენით მობრუნდება დრო ნასხვისარი; სიცხე კი მაინც დაბუღრაობს, - რა გვესიცხება, -
ღრუბლებს მოაპობს სჯულმდებელი, - უკვე იწყება ურჯუკი მოდგმის დაურვება და გარდასახვა... |