ბიძინა ფერაძე - ყვავილების ქვეყანა

ბიძინა ფერაძის ვარიანტი

ყვავილების მეუფევ, თვალნი დამიზიანე,

რომ მითხარ მალე მოვალ, რატომ დაიგვიანე.

შენთვის დაკრეფილი მაქვს, ნარნარი ყვავილები

მინდა გულზე დაგაკრა, ვით ლამაზი ღილები.

აი რისთვის დაგეძებ, რატომ დავიარები

და რატომ მელანდება, შენი გიშრის თვალები.

შენი თვალების ეშხი, ნეტავ რად დაინანე,

ნეტავ ახლა ვის უმზერ, მითხარი გენაცვალე.

მე მიყურე მხოლოდ მე, მაკმარე რაც მაწამე,

ჩემი გულის საუნჯევ, შენს თვალებს ვენაცვალე.

შენს ლოდინში წალკოტი ჩოქვით შემოვიარე

გიცდი და არ მოხვედი, რატომ დაიგვიანე.

ყვავილების ქვეყანა ჩოქვით შემოვიარე….

რომ მითხარ მალე მოვალ, რატომ დაიგვიანე.

გავრცელებული ვარიანტი

ყვავილების ქვეყანა, ჩოქვით შემოვიარე

რომ მითხარი მოვალო, რატომ დაიგვიანე.

შენთვის დაკრეფილი მაქვს, ნარნარი ყვავილები

მინდა გულზე დაგაკრა, ვით ლამაზი ღილები.

აი რატომ დაგეძებ, რისთვის დავიარები

ან რატომ მელანდება, შენი შავი თვალები.

მე მიყურე მხოლოდ მე, მაკმარე რაც მაწვალე,

ჩემო სულის კოკობო, შენს თვალებს ვენაცვალე

შენ ხომ ვარდი იყავი, ვარდად დაბადებული

შენ ხომ ალერსისთვის ხარ, შექმნილ-დაბადებული.