ვახუშტი კოტეტიშვილი - ყველა მბრძანებელს!

ასე ყოფილა, დაწყებული ძველი ელადით,

და, სამწუხაროდ, ამ აზრს არ აქვს სხვა გზა-საქცევი,

რომ ქვეყნად ყველა მბრძანებელი, ყველა ბელადი

იყო და არის ბრძენი ხალხის ბრბოდ გადამქცევი.

იცოდეთ, მონურ მორჩილებას არ ვარ ნაჩვევი

და ნაწამებიც სულიერი ძალით ვივსები.

თქვენ შეგიძლიათ ისე მომკლათ, ვით მამაჩემი,

მაგრამ ვერასდროს ჩემს მონობას ვერ ეღირსებით!