შენთან ყოველთვის იმ დროს მოვდივარ, როცა ბინდებში ხალხი ილევა, ჩემი ცხოვრება შენი დარდია, შენ კი ხარ ჩემი განწყობილება. ხმა მესმის: რეკავ იდუმალ ზარებს, ამ დროს ქვეყანა თითქოს ხომლია, და ყველაფერი პირქვე ზანზარებს. როგორც შერისხულ მლოცველთა ხროვა, იწყება ჭმუნვა მორთხმულ მოგვების, და შორიახლო ავდრების გლოვა. გზნება, რომელიც ჩვენც გაგვახუნებს, ხე რომ შენსავით ყველას გაურბის, და ხან მგზავრივით რომ გირახუნებს. გულს რომ ჩასტირი და იმალები, შენი საკანი თეთრი ღამეა, ან დაღუპული კაცის თვალები. თითქოს კვნესიხარ: მიშველე, დედავ!.. თითებს ისერავ, სხეულში ხრჩოლავ, ო, ეგ სამიწე ხელების ფშვნეტა. ძმაო, გამჩენმა არ დაგინახოს, ისე შმაგია მაშინ ეგ სახე, რომ შეიძლება კაცი დალახვროს. შენ რას აგწერდა რემბრანტის ფუნჯი. ამ დროს ხელებში გველი გიჭირავს, და თვალებიდან მოჩანს ფასკუნჯი. ნუთუ არ ეყო, რაც რო გაწვალა? სტუქსავ დღეებს და სწყევლა იმ ხელებს, სამშობლოს გზები ვინც მოგასწავლა. და შეგაჩვია შფოთვას სიცილით, რა ვუყოთ მერე, - ვიღა არ წავა, მიწისკენ მაინც მეფობს სიკვდილი. ხან გაიღვიძე მუდამ გნიასით, ხედავ, მზვერავო, შენ და სიცოცხლე ამ დედამიწას როგორ შეაშრით?! ზოგჯერ ხალხისგან სალამიც სწყინდა, როცა სულ მარტო რჩებოდა სახლში, რაღაც ფერშემკრთალ სიგიჟეს ქმნიდა. „ვიცნობთ ამ ყარყუმს, მგონი მუნჯია“, სად, ვინ შეიგრძნობს იმ კაცის თვალებს, კაცი, რომელიც ხან ფასკუნჯია. |
პოეზიის გვერდი • • • • • • ნიკო სამადაშვილის პოეზია |