მურმან ლებანიძე - ღალატი

ღალატს ისტორია სულ ორგვარს იცნობს, -

მომსწრე ვარ ორგვარისვე ურიცხვის:

რამდენჯერ უღალატა თვისტომმა თვისტომს

ხორცისთვის, და არა სულისთვის?!

კი! თვისტომს ღალატობს თვისტომი მუხანათი:

ქალისთვის! სახელისთვის! ფულისთვის!

მაგრამ ესეც ითქვას: რამდენჯერ უღალატა

დამპყრობელს დაპყრობილმა სჯულისთვის?!

დიაღაც სისხლისთვის! დიაღაც ჯიშისთვის!

დიაღაც - თვისტომის გულისთვის!