ფეხმძიმობა
გრიგოლ ხანძთელის საქვეყნო დიდება მისმა მოხუცმა დედამაც შეიტყო. გრიგოლი ხომ მისი ერთადერთი შვილი იყო. ქალს ძალიან უმძიმდა შვილთან განშორება, მაგრამ ღვთის შეწევნით ძალა მიეცა და გრიგოლის სანახავად გამგზავრება მოიწადინა.
მერეს მონასტერში დედა ფებრონიამ დიდი პატივით მიიღო გრიგოლის დედა და მისი ჩამოსვლის ამბავი მაშინვე მოძღვარს შეატყობინა.
მუხლი მოიყარა გრიგოლმა მშობლის წინაშე და წესისამებრ თაყვანი სცა მას. დედა კი შვილს ჰკოცნიდა და ტკბილად ეუბნებოდა:
- შვილო, შენი ხილვით ყველა ტკივილი დამიამდა.
- დასაგმობია ის, ვინც მშობლებს შეურაცხყოფს, პავლე მოციქული ხშირად გვიმეორებს ამის შესახებ. შვილებმა მშობლებს პატივი უნდა მივაგოთ, მაგრამ, დედა, მე ჩემი ნებით როდი დაგშორდი. ეს უფლის ნება იყო, - წარმოთქვა გრიგოლმა მტკიცედ.
დედა ფებრონიამ გრიგოლის დედას მერეს მონასტერში დარჩენა შესთავაზა და მანაც სამუდამოდ სწორედ იქ დაიდო ბინა.
სასკოლო ლიტერატურა ...  ... გრიგოლ ხანძთელი / შინაარსი |
