ფეხმძიმობა
იმხანად ხანძთაში განმარტოვებით ერთი მართალი და წმინდა ბერი ჰუედიოსი ცხოვრობდა. ერთხელ წმინდანმა არა ძილში, არამედ ცხადად საოცარი ჩვენება იხილა. იმ ადგილებში, სადაც ახლა ხანძთის ტაძარია, ღრუბელი გადმომდგარიყო, რომელსაც ეკლესიის ფორმა ჰქონდა და მისგან ნელსურნელება მოდიოდა.
ფიქრობდა ბერი და ხვდებოდა, რომ ეს ღვთის საკვირველი ნიშანი იყო. უეცრად უფლის ხმა ჩაესმა, რომელმაც აუწყა, რომ ამ მიდამოებში მღვდელი გრიგოლი ეკლესიას ააგებდა.
გაიხარა ჰუედიოსმა, ღმერთს მადლობა შესწირა და მოთმინებით დაელოდა აღთქმის ასრულებას. მაცხოვარმა ეს ამბავი გრიგოლსაც აუწყა და ადგილიც მიანიშნა, საით უნდა წასულიყო ეკლესიის ასაგებად.
მიხვდა გრიგოლი, რომ მისი მოღვაწეობის ჟამი დამდგარიყო, ამიტომაც აღარ დაახანა და სულიწმიდის მადლით შემოსილი ხანძთას გაემგზავრა.
საოცარი სიყვარულით შეხვდნენ ერთმანეთს ორი წმინდა მამა. ხანდაზმული ჰუედიოსი და ახალგაზრდა გრიგოლი. მონაზვნების წესისამებრ ივახშმეს და შემდეგ მთელი ღამე ლოცვაში გაატარეს. ორივემ იცოდა, რომ ტაო-კლარჯეთის აყვავების ჟამი დამდგარიყო.
სასკოლო ლიტერატურა ...  ... გრიგოლ ხანძთელი / შინაარსი |
