ფეხმძიმობა
მაიმუნის წელში დაბადებული ადამიანები ცვალებადი, ურთიერთსაწინააღმდეგო ხასიათით გამოირჩევიან.
ისინი ჭკვიანები, მოხერხებულები, ორიგინალურები და გამომგონებლები არიან, ადვილად უმკლავდებიან ყველაზე რთულ პრობლემებსაც კი.
თითქმის არ არსებობს მოღვაწეობის სფერო, სადაც არ შეუძლიათ თავის დამკვიდრება. თუმცა, ამავე დროს, ადვილია მათი ყურადღების გადატანა და გადარწმუნება.
მაიმუნის წელში დაბადებულებს ყველაფრის გაკეთება თუ მიღწევა მომენტალურად იმ წუთშივე სურთ და ყველაზე უმნიშვნელო წინააღმდეგობაც კი ხასიათს უფუჭებთ, უცვლით გეგმებს.
ბევრი მათგანი გაუბედაობით და ყოყმანით გამოირჩევა. ამავე დროს ისინი ტემპერამენტიანი, თავნება, ფეთქებადი ხასიათის ადამიანები არიან, თუმცა არ იციან წყენის გულში ჩადება.
გააჩნიათ საღი აზრი, შეუძლიათ გადაწყვეტილებების მიღება და ბევრ მათგანს ძალუძს მოიპოვოს სახელი და დიდი წარმატება, თუ ამაში მიზანმიმართულად ხელს არ შეუშლიან.
