მანანა ფრუიძე - მამული

ხელი არ მახლოთ, ფეხშიშველა დამტოვეთ ხნულში!

აქ მინდა მოვკვდე, მიწად ჩავყვე სიმინდის მარცვალს,

სისხლის მაჭარი ავბედითად თუხთუხებს  გულში,

ცა თვალში მაყრის ნაღვერდალში არეულ ნაცარს.

რიჟრაჟის სხივი დაშაშრული პეშვებით შევსვი,

მივეცი წარსულს, რაც გამაჩნდა ჯერ კიდევ გუშინ,

აქ სველ წვივებზე ოჯალეშის მეხვევა ფესვი,

ხელი არ მახლოთ, გევედრებით, დამტოვეთ ხნულში!