მჟღერი და ყრუ ბგერები

ხმოვნების წარმოთქმის დროს ხორხში მოთავსებული ხმის სიმების პერიოდულად ირხევა და ჟღერს, ამიტომ ხმოვანი (ა,  ე,  ი,  ო,  უ) მჟღერი ბგერაა.

ხმის სიმები ირხევა და ჟღერს ზოგიერთი თანხმოვნის წარმოთქმის დროსაც. მ ჟ ღ ე რ ი თანხმოვნებია: ბ,  გ,  დ,  ვ,  ზ,  ლ,  მ,  ნ,  ჟ,  რ,  ღ,  ძ,  ჯ.

ქართულში სულ 18 მჟღერი ბგერაა. ამათგან 5 ხმოვანია, 13 - თანხმოვანი.

ზოგიერთი თანხმოვნის წარმოთქმის დროს ხმის სიმები არ ირხევა და, მაშასადამე, არც ჟღერს. ბგერები ყრუდ მოისმის. ასეთ ბგერებს ყრუს ეძახიან. ქართულში 15 ყრუ თანხმოვანია. ესენია: თ,  კ,   პ,   ს,  ტ,  ფ,  ქ,  ყ,  შ,  ჩ,  ც,  წ,  ჭ,  ხ,  ჰ.

სავარჯიშო. გადაიწერეთ ნაწყვეტი. ამოიწერეთ ცალ-ცალკე მჟღერი და ყრუ ბგერები.

მწვანე ჭალებში აფრინდა მწყერი,

გაფრინდა ღალღა, მიქრის ტოროლა.

მწვანე ტალღების მიდის მეწყერი,

ისმის ჯეჯილის მარაო-ქროლა.

გ. ტაბიძე