ფეხმძიმობა
ერთი მეპატრონე მარანში შევიდა საკუთარი ღვინის სანახავად. ნახა ქვევრის პირას ერთი ჯამი იდგა და მემარნეს ჰკითხა:
- ეს ჯამი აქ რატომ დგასო?
მემარნემ მოახსენა: რამდენჯერაც შემოვალ ამ ჯამით ღვინოს შევექცევიო.
ეწყინა მეპატრონეს: ჩემი ღვინო ამ კაცს აუოხრებიაო და თავზე ერთი კაცი დააყენა, ამდენი ღვინო არ დალიოსო.
მარანში მეორედ რომ შევიდა, ქვევრთან უკვე ორი ჯამი იდგა.
მეპატრონემ კითხა: ეს რა არისო?
მემარნემ მოახსენა: ერთი ჩემი ჯამია, რომლითაც ვსვამდი და მეორე ჩემი ამხანაგის, თავზე რომ დამაყენეო.
სულხან-საბა ორბელიანი - იგავ-არაკები - ადაპტირებული ტექსტი
