ფეხმძიმობა
ერთი კარგი ექიმი იყო. სნეულთან რომ მივიდოდა, სნეულის პატრონი ჭიქით მის შარდს მიუტანდა, ექიმი შარდს ნახავდა, სენს გამოიცნობდა, წამალს მისცემდა და განკურნავდა.
ერთი სნეულის ამბავი მიუვიდა. ჭიქა გაგზავნა და შარდი ითხოვა. იმ სნეულის სანახავად ორი მისი ამხანაგი იყვნენ. მათ სნეულის შარდში თავიანთი შარდიც აურიეს, ჭიქაში ჩაასხეს და ექიმს გაუგზავნეს.
ნახა ექიმმა, გაიცინა და თქვა: გამკიცხავენ, მაგრამ სნეული ორ კვირაში ადგება. ერთი ჯანმრთელი კაცის ცოლი ორსულად არის და ყრმას შობს; მეორე სამ დღეში დასნეულდება და დღეის სწორამდე მოკვდებაო.
მიუვიდათ ეს ამბავი და ყველაფერი ისე მოხდა.
სულხან-საბა ორბელიანი - იგავ-არაკები - ადაპტირებული ტექსტი
