ფეხმძიმობა
ერთხელ ანჩის მონასტერს ძალადობით ერთი ურჯულო და მწვალებელი ცქირი დაეპატრონა. გრიგოლმა და მისმა ძმებმა არაერთგზის ამხილეს ის, განრისხებულმა ცქირმა ერთი ანჩელი ერისკაცი მოისყიდა და გრიგოლის მოსაკლავად გაგზავნა.
ამ დროს ღირსი მამა აგარაკიდან ხანძთაში ბრუნდებოდა. მოდიოდა გრიგოლი მარტოდმარტო და თან გულში ლოცვას ამბობდა.
მაშინ იხილა მკვლელმა სასწაული: გრიგოლს თავზე ბრწყინვალე ჯვარი ედგა, ცამდე ატყორცნილი სინათლის სვეტი თავს დასტრიალებდა, ირგვლივ კი ცისარტყელა გამოსახულიყო.
თავზარი დაეცა მკვლელს, მაშინვე მუხლებში ჩაუვარდა გრიგოლს და პატიება სთხოვა.
როდესაც ცქირმა მომხდარი შეიტყო, უფრო გაავდა და მრავალი ბოროტება შეამთხვია გრიგოლს.
გრიგოლისა და კლარჯეთის მამათა მეოხებით მრავალ უზნეობაში მხილებულ ცქირს მღვდლის სამოსი გახადეს და ეკლესიიდან განკვეთეს.
დაუძლურებული ცქირი თბილისში წავიდა და თავისი ბატონის შემწეობით მეორედ დაეპატრონა ანჩის მონასტერს; შემდეგ შეკრიბა ანჩის მოსახლეობა და კლარჯეთის დასარბევად გააგზავნა.
შეწუხდა გრიგოლი, მუხლი მოიყარა და ილოცა. წმინდა მამას ანგელოზთაგან ეუწყა, რომ მათი მტერი აუცილებლად დამარცხდებოდა. მართლაც, ცოტა ხანში ცქირის მოულოდნელი სიკვდილის ამბავი მოვიდა და კლარჯეთის მონასტერიც დარბევას გადაურჩა.
სასკოლო ლიტერატურა ...  ... გრიგოლ ხანძთელი / შინაარსი |
