ქვების ჰოროსკოპი - მორიელი

ქვების ჰოროსკოპი - მორიელი  24.10-22.11

მორიელის ზოდიაქოს ქვებად ითვლება აკვამარინი, კარბუნკული, მარჯანი, ძოწი.

აკვამარინი - ლამაზი, გამჭვირვალე, მომწვანო-მოცისფრო ფერის ქვაა, იგი ბედნიერი ოჯახური წყვილების სიყვარულისა და ურთიერთპატივისცემის თილისმად მიიჩნევა. ეს ქვა აიძულებს მფლობელს, მუდმივად იფიქროს მჩუქებელზე.

აკვამარინი მეზღვაურთა და ზღვაზე მოგზაურთა პროფესიონალურ თილისმად ითვლება, რომელიც იცავს მათ სხვადასხვა სახის ხიფათისა და ფათერაკისგან, მას შეუძლია დააწყნაროს ქარიშხალი და დააცხროს ვნებები.

იგი კარგად კურნავს ყელისა და კბილების დაავადებებს, ამიტომ სასურველია თუ ამ დაავადების მატარებელნი ატარებენ ვერცხლის ბუდეში ჩასმულ აკვამარინის სამკაულებს.

კარბუნკული - ძოწის სისხლისფერი-წითელი სახეობაა, იგი ფეხმძიმე ქალების თილისმად ითვლება, რომელიც ანიჭებს მათ სასიცოცხლო ძალასა და ენერგიას და უზრუნველყოფს მშობიარობის კეთილად დასრულებას. კარბუნკული აჩერებს სისხლდენას და ჭრილობების წინააღმდეგ მოქმედების ეფექტური უნარი გააჩნია.

ეს ქვა ადამიანების გულებში ბადებს მეგობრულ გრძნობებს, უკუაგდებს შავბნელ ძალებს და ფანტავს მელანქოლიას.

მარჯანი - მოვარდისფრო, მოთეთრო, მოწითალო და სხვა ფერების ქვაა, იგი იცავს ავი თვალისგან, მეხისგან, აფრთხობს დემონებსა და ავ სულებს, ეწინააღმდეგება ცდუნებას.

ეს ქვა აძლიერებს მეხსიერებას, ამსუბუქებს ჭრილობებისა და წყლულების (მათ შორის შინაგანის) მოშუშებას. შესანიშნავი თილისმაა წინასწარმეტყველებისთვის.

ძოწი - ნახევრადძვირფასი ქვაა, რომოლიც არსებობს რამოდენიმე სახეობის და ერთმანეთისგან განსხვავდება შეფერილობით მუქი წითელი, შინდისფერიდან მოყვითალო ფერამდე. ძოწი გულითადი გრძნობების, სიყვარულისა და მაგობრობის სიმბოლოა. ძოწისთვლიან ბეჭედს ჩუქნიან მეგობრობის, ხსოვნისა და მადლობის ნიშნად.

ძოწს სამკურნალო თვისებებიც გააჩნია, იგი ეხმარება თავის ტკივილის, ყელის ანთებისა და თავის ძლიერი ტკივილის დროს. ძოწის არ მოხსნის შემთხვევაში, იგი მფლობელს უზრუნველყოფს კარგი განწყობით, მხიარულებითა და ხალისიანი აზრებით.

ძოწი შეყვარებულთა თილისმადაც ითვლება, მას პატიოსნების ქვადაც თვლიან, ამიტომ მოპარულმა ძოწმა შესაძლოა უბედურებაც მოუტანოს მფლობელს.