წერილის გაგზავნა!
თემატიკა
ქალბატონებს მამაკაცებს ბავშვთა სამყარო ლიტერატურა ჯანმრთელობა ფსიქოლოგია სექსი ბიზნესი ეტიკეტი რელიგია შეუცნობელი ავტო+ მოდა ენციკლოპედიები საიტის შესახებ
 
 
 
 

 

ფული ინტერნეტით

 

ვებ კატალოგი

 
  ნანახია 7674 - ჯერ |  
შრიფტის ზომა

 

 

 

როგორ დავამარცხოთ ჭაღარაადამიანების მიერ, გაჭაღარავება ყოველთვის აღიქმება (განსაკუთრებით სუსტი სქესის წარმომადგენლების მხრიდან) როგორც მოახლოებული სიბერის ნიშანი, მაგრამ სინამდვილეში გაჭაღარავება შესაძლებელია 20 წლის ასაკში და უფრო ადრეც.

თმის ფერზე, პასუხისმგებელია განსაკუთრებული პიგმენტი - მელანინი, რომელსაც გამოიმუშავებს თმის ბოლქვებში განთავსებული სპეციალური უჯრედები.

პიგმენტი მელანინი ყველა ადამიანს ერთი და იგივე აქვს, მაგრამ რაც შეეხება მის რაოდენობას - იგი განსხვავებულია. რაც უფრო მეტია მელანინი, მით უფრო მუქია თმები. ამიტომაა, რომ თმის ფერი და გაჭაღარავების ხარისხი სხვადასხვა ადამიანს სხვადასხვა აქვს.

მიიჩნევა რომ ყველაზე დიდი რაოდენობით მელანინს, შეიცავს შავი თმები (ქერა და წაბლისფერ თმასთან შედარებით).

მიუხედავად იმისა, რომ ტარდება მრავალრიცხოვანი კვლევები, ექსპერიმენტები და არის იმედის მომცემი შედეგებიც, სამწუხაროდ მეცნიერებამ  ჯერ-ჯერობით არ იცის, თუ რა სახით უნდა მოხდეს პიგმენტ მელანინის გამომუშავების სტიმულირება.

მიუხედავად ამისა, აქ მოყვანილია ყველა ის მაღალეფექტური მეთოდები, რომლითაც წარმატებით ებრძვიან ჭაღარას მთელს მსოფლიოში.

 

გაჭაღარავების მიზეზები

 

გაჭაღარავების მიზეზებირაც არ უნდა ჯანმრთელი იყოს ადამიანის თმა, ადრე თუ გვიან იგი იწყებს გაჭაღარავებას. ამ უსიამოვნო პროცესს ადრე თუ გვიან ეჯახება თითოეული ადამიანი.

თუმცა, ბუნებრივი თმის ფერის რაც შეიძლება დიდი ხნის განმავლობაში შენარჩუნება და გაჭაღარავებისგან თავის დაღწევა უნდა სცადოს ყველამ, ვინც დგას ამ პრობლემის წინაშე.

ჭაღარა თმა, უძველესი დროიდან სიბრძნის ნიშნად ითვლებოდა, რადგან ადამიანი ძირითადად ჭაღარავდებოდა სიბერეში. თუმცა დღესდღეობით გაჭაღარავების პროცესი ძალიან გაახალგაზრდავდა და პრობლემად იქცა პატარა ასაკის ადამიანებისთვის.

გაჭაღარავების ყველაზე გავრცელებული მიზეზი უკავშირდება დაბერების ბუნებრივ პროცესს. თუ ადამიანი გადასცდა 40 წლის ასაკს, ჭაღარის გაჩენა ნორმალური მოვლენაა. მიხედავად ამისა, არ შეიძლება მტკიცება, რომ ჭაღარა უნდა ჰქონდეს ყველას, ვინც მიაღწია 40 წლის ასაკს. თუმცა ძირითადად ეს ასე ხდება.

მეცნიერებმა დაადგინეს, რომ თმის გაჭაღარავების ძირითადი მიზეზს წყალბადის ზეჟანგის დაგროვება წარმოადგენს. ასაკთან ერთად, ორგანიზმში მცირდება ფერმენტ კატალაზას გამომუშავება, რომელიც ხელს უშლის წყალბადის ზეჟანგს მელანინის დაშლაში.

როდესაც ადამიანი ბერდება, მელანოციტები გამოიმუშავებს სულ უფრო ნაკლებ პიგმენტს. თუ მელანოციტები შეწყვეტენ ახალი პიგმენტის გამომუშავებას, თმა დაკარგავს თავის ფერს.

თმა, რომელშიც არ არის მელენინი, სინამდვილეში გამჭვირვალეა, მაგრამ შუქის გარდატეხის გამო გვეჩვენება, რომ იგი თეთრი, ან ნაცრისფერია.

ადამიანებს ყოველთვის აინტერესებთ თუ რა იწვევს გაჭაღარავებას. მიზეზი შეიძლება იყოს სრულიად სხვადასხვა, თუმცა ყველაზე ბუნებრივი და ყველასათვის ცნობილი მიზეზი, როგორც ზემოთ ავღნიშნეთ - დაბერებაა.

ასაკთან ერთად სულ უფრო მცირდება მელენინის გამომუშავება, თმა თანდათანობით ღიავდება  და არავითარ საშუალებს: არც კოსმეტიკურს და არც ხალხურს არ ძალუძს პროცესის გაჩერება და პიგმენტის გამომუშავების სტიმულირება.

კიდევ ერთი მიზეზი, რომელსაც გვერდს ვერ ავუვლით, არის გენეტიკა. თუ უფროსმა თაობამ გაჭაღარავება დაიწყო 30 წლის ასაკში. მათი შვილებიც ამ ასაკში დადგებიან იგივე პრობლემის წინაშე. ადრეულ ასაკში გაჭაღარავებას ყველაზე ხშირად ამ მიზეზით ხსნიან.

არსებობს ნაადრევი გაჭაღარავების სხვა მიზეზებიც, რომლებიც არანაირად არ უკავშირდება არც დაბერებას და არც გენეტიკას:

მუდმივი სტრესი;

აპათიური მდგომარეობა;

ხანგრძლივი დეპრესია;

ჰორმონალური დარღვევები;

ფარისებრი ჯირკვლის პრობლემები;

მზის სხივების ინტენსიური ზემოქმედება;

მავნე ჩვევები;

ამით ჭაღარის გამომწვევი მიზეზები არ სრულდება. ნაადრევი გაჭაღარავების ერთ-ერთი ფართოდ გავრცელებული მიზეზი ახალგაზრდა თაობაში არის - დიეტები. საქმე იმაშია, რომ დიეტის დროს ადამიანის ორგანიზმში ქრება საჭირო ვიტამინები, მინერალები და მკვებავი ნივთიერებები, რომელთა შევსება შემდგომში აღარ ან რთულად ხდება.

ამ ყველაფერს მოსდევს შინაგანი ფუნქციების დარღვევა ორგანიზმში, რასაც შეიძლება სხვა უარყოფით ფაქტორებთან ერთად, მოჰყვეს ისეთი შედეგი, როგორიცაა გაჭაღარავება.

ნაადრევი გაჭაღარავება შეიძლება გამოიწვიოს ჩაის, ყავას, ალკოჰოლის, ცხიმიანი საკვების, თამბაქოს მჟავე საკვებისა და სანელებლების გადაჭარბებული რაოდენობით მოხმარებამ.

ძალიან იშვიათად, მაგრამ არსებობენ ადამიანები, რომელთა ადრეულ ასაკში გაჭაღარავება გამოიწვია ავიტამინოზმა.

გაჭაღარავების გამომწვევ მიზეზებს შორის უნდა ავღნიშნოთ გადაცივების გამო თავის კანის მიკროცირკულაციის დარღვევა, რაც შეიძლება გამოიწვიოს ზამთრის პერიოდში უქუდო სიარულმა.

ნაადრევ გაჭაღარავებას იწვევს უხარისხო შესაღები საშუალებებით თმის ხშირი შეღებვა. ქიმიური საღებავები შეიცავს ტეტრალინს და პარა-ფენილენდიამინს. ამ ნივთიერებებს შეუძლიათ ჭაღარა თმის პროვოცირება გამოიწვიოს.

ჭაღარის გაჩენის მიზეზი შეიძლება გახდეს თმის სტრუქტურისა და პიგმენტაციის მექანიკური დაზიანება, რაც გამოიწვიოს თმის ფენების, უთოების და სხვა საშუალებების არასწორმა გამოყენებამ.

ადრეულ ასაკში თმის ფერის შეცვლა და გაჭაღარავება შეიძლება გამოიწვიოს ზოგიერთმა სამედიცინო პრეპარატმაც.

 

პს - ალბათ ნებისმიერი ადამიანი, ვისაც აწუხებს ჭაღარა, ერთხელ მაინც დაფიქრებულა, თუ როგორ დააღწიოს თავი გაჭაღარავების პროცესს და საერთოდ, შეიძლება თუ არა ამის მიღწევა.

რა თქმა უნდა ყველაზე გამოცდილი და გავრცელებული საშუალება ჭაღარის შესანიღბად თმის შეღებვაა, მაგრამ რამდენად გამართლებულია ეს? არც თუ ისე ბევრს სურს საკუთარ თმაზე კოსმეტიკური საშუალებების ზემოქმედება.

საბედნიეროდ დღესდღეობით ცნობილია ხალხური, უსაფრთხო საშუალებები, რომლებიც საბოლოოდ თუ არ განკურნავს ჭაღარას, აუცილებლად შეაფერხებს მის წარმოქმნას და შეამცირებს უკვე არსებული ჭაღარა თმის ღერების რაოდენობას.

გაითვალისწინეთ და ჭაღარის მოსაცილებლად ან პრევენციისთვის განკუთვნილი ამა თუ იმ საშუალებების გამოცდამდე, დარწმუნდით, რომ რეცეპტში შემავალი ყველა კომპონენტი კარგად გადაგაქვთ და არ გამოიწვევს სხვა უსიამოვნებების პროვოცირებას.

 

ჭაღარის გაქრობის ხალხური საშუალებები

 

ჭაღარის გაქრობის ხალხური საშუალებებიზუსტად არის ცნობილი, რომ ხალხური საშუალებები უაღრესად ეფექტურია თმის გასამაგრებლად და ზოგადად, მისი საერთო მდგომარეობის გასაუმჯობესებლად.

თუმცა, პროცენტულად ძალიან მცირეა იმ ადამიანთა რაოდენობა, რომელთაც ამ მეთოდებით ჭაღარის მოშორება, ან გაჭაღარავების თავიდან აცილება შეუძლიათ.

მიუხედავად ამისა, აქ მოყვანილია ყველა ის მაღალეფექტური ხალხური მეთოდი, რომლითაც მცირე, მაგრამ მაინც გარკვეული რაოდენობის ადამიანებმა შეძლეს მოეცილებინათ ჭაღარა და შეეჩერებინათ გაჭაღარავების პროცესი.

აღსანიშნავია, რომ თუ აღნიშნული მეთოდები ჭაღარას არ მოგაცილებთ, სამაგიეროდ გაამაგრებს თმას, გააქრობს ქერტლს, შეაჩერებს თმის ინტენსიურ ცვენას, გააუმჯობესებს თმის სტრუქტურას და მის საერთო მდგომარეობას.

გაითვალისწინეთ, რომ ქვემოთ მოყვანილი პროცედურების ჩატარება აუცილებელია რეგულარულად, მონდომებით და მოთმინებით. პროიცედურების შემდგომი გამეორება კი იძლევა გრძელვადიან შედეგს.

ჭაღარა თმის საწინააღმდეგო რეცეპტი N1

აიღეთ 100 გრამი ხაჭო, დაუმატეთ დაახლოებით 1 გრამი შავი წიწაკა, კარგად აურიეთ და მიღებული მასა თანაბრად გადაინაწილეთ თმაზე და თავის კანზე. გააჩერეთ 1 საათის განმავლობაში, შემდეგ კი ჩამოიბანეთ თბილი წყლითა და რბილი შამპუნით.

პროცედურა ჩაიტარეთ კვირაში ერთხელ, რათა დაინახოთ შესამჩნევი სხვაობა თქვენი თმის სტრუქტურასა და ფერში. ხაჭო ხელს უწყობს ქერტლის მკურნალობას, ხდის თმას უფრო რბილსა და აბრეშუმისებრს. შავი წიწაკა კი ეხმარება თმას ბუნებრივი შავი ფერის დაბრუნებაში.

ჭაღარა თმის საწინააღმდეგო რეცეპტი N2

შეურიეთ ერთმანეთს შირბახტის (ქუნჯუტი) და ზეითუნის ზეთი ბოთლში, ან რამე სხვა მინის ჭურჭელში პროპორციით 1:1. 

ეს ნაზავი ეხმარება თმას გაზრდაში, ხდის მას ხშირს,  ბზინვარეს, ხელს უწყობს მის გამუქებას, აფერხებს თმის ცვენას და გაჭაღარავებას. ზოგადადაც ძალიან კარგად აისახება თმის ჯანმრთელობაზე.

ჭაღარა თმის საწინააღმდეგო რეცეპტი N3

აადუღეთ წყალი და დაუმატეთ 4 სუფრის კოვზი მშრალი სალბი (შალფეი). ნაყენი გააცივეთ და გაწურეთ. დაუმატეთ 25 მგ გლიცერინი და რამოდენიმე წვეთი ზეთოვანი ვიტამინი E (შეიძლება შეიძინოთ აფთიაქებში ზეთოვანი კაფსულების სახით).

მიღებული მასა კარგად აურიეთ და შეიზილეთ თავის კანში თითების წრიული მოძრაობებით (თოთქოს იკეთებთ მასაჟს). შემდეგ კი გააჩერეთ 1 საათი და ჩამოიბანეთ თბილი წყლით. ეფექტის მისაღებად, პროცედურა გაიმორეთ ყოველდღიურად ერთი თვის განმავლობაში, შემდეგ კი შედეგის მიხედვით და თქვენი შეხედულებით.

ჭაღარა თმის საწინააღმდეგო რეცეპტი N4

მოხარშეთ ორი ფინჯანი ქოქოსის ზეთი, დაუმატეთ რამოდენიმე წვეთი ნუშის ზეთი რამდენიმე ფოთოლი ჰიბისკუსი (ჩინური ვარდი) და ერთი სუფრი კოვზი ულუმბოს (თრიგონéლლა) ფხვნილი. ნახარში გააცივეთ, გაწურეთ და შეინახეთ მინის ქილაში.

თმის ფერის აღსადგენად და გასაუმჯობესებლად წაისვით კვირაში 2-3-ჯერ.

ჭაღარა თმის საწინააღმდეგო რეცეპტი N5

გააკეთეთ პასტა შემდეგი ინგრედიენტებით: 2 ჩაის კოვზი ხნა, 1 ჩაის კოვზი იოგურტი, 1 ჩაის კოვზი  ულუმბოს კაკლების (თრიგონéლლა) ფხვნილი, 3 ჩაის კოვზი ყავა, 2 ჩაის კოვზი ბაზილიკის წვენი და 3 ჩაის კოვზი პიტნის წვენი.

მიღებული პასტა წაისვით თავის კანზე და თმის მთელს მოცულობაზე. გარდა იმისა, რომ ეს საუკეთესო საშუალებაა ჭაღარის წინააღმდეგ, იგი თმას ანიჭებს სასიამოვნო მოწითალო ელფერს.

ჭაღარა თმის საწინააღმდეგო რეცეპტი N6

აიღეთ ერთი კოვზი აბუსალათინის ზეთი (იგივე касторовое масло - შეძენა შეიძლება აფთიაქებში), ერთი კოვზი კონიაკი (ხარისხს არა აქვს მნიშვნელობა), ერთი კოვზი თაფლი და ერთი კვერცხის გული, ყველა ეს ინგრედიენტი კარგად აურიეთ და შეიზილეთ თმის ძირებში.

შეიფუთეთ თმა პლიეთილენის ცელოფნით, შემდეგ დაიფარეთ სპეციალური პოლიეთილენის ქუდი. გაიჩერეთ 2-3 საათი. ამის შემდეგ თმა ჩამოიბანეთ შამპუნით. გაიკეთეთ პროცედურა კვირაში 2-3 ჯერ.

ჭაღარა თმის საწინააღმდეგო რეცეპტი N7

შეურიეთ ერთი სუფრის კოვზი სუფრის მარილი და ერთი ჭიქა შავი მაგარი ჩაის ნაყენი (შაქრისა და რძის გარეშე).

მიღებული ხსნარი, წრიული მოძრაობებით წაისვით თავის კანზე და გააჩერეთ ერთი საათის განმავლობაში. პროცედურა გაიმეორეთ 10 დღეში ერთხელ.

ჭაღარა თმის საწინააღმდეგო რეცეპტი N8

კარის ფოთლები (კურკუმა - ინდური საკმაზი) ჩაყარეთ ქოქოსის ზეთში. აადუღეთ, შემდეგ კი გააცივეთ.

მიღებული მასა წაისვით თავის კანზე და თმის ძირებზე.

ჭაღარა თმის საწინააღმდეგო რეცეპტი N9

აიღეთ ნახევარი ჭიქა ასაკილის მშრალი ნაყოფი და დაასხით 2 ლიტრი ადუღებული წყალი. დააყენეთ 30 წუთის განმავლობაში. შემდეგ აადუღეთ 5 წუთით და კვლავ გააცივეთ. შემდეგ გაწურეთ და ნაყენი მოათავსეთ მაცივარში.

შეიზილეთ თავის კანში 3-ჯერ კვირაში. კვირაში ორჯერ კი დალიეთ ნახევარი ჭიქა ნაყენი.

ჭაღარა თმის საწინააღმდეგო რეცეპტი N10

ალუბლის წვენი და ფაფა ეფექტურია გაჭაღარავების პროცესის შესაჩერებლად.

თავის დაბანამდე ერთი საათით ადრე, წაისვით ალუბლის ფაფად ქცეული მასა თმაზე და თმის ძირებზე, დაიხურეთ პოლიეთილენის ქუდი (ან პოლიეთილენის პარკი) და შეიფუთეთ პირსახოცით.

ჭაღარა თმის საწინააღმდეგო რეცეპტი N11

ერთ-ერთი ყველაზე ბუნებრივი საშუალება ჭაღარა თმის რევერსირებისთვის, არის ქოქოსის ზეთის რეგულარული მოხმარება.

გაიკეთეთ სუფთა ქოქოსის ზეთით თავის კანის მასაჟი ყოველ საღამოს, ძილის წინ და ჩამოიბანეთ მეორე დღეს.

გაჭაღარავებასთან ბრძოლისთვის ძალიან ეფექტურია კიდევ ერთი ექსტრაქტი, რომელიც მიიღება ადუღებული ქოქოსის ზეთით და ინდური ხურტკმელით, მანამ სანამდე ნაზავი არ გახდება მუქი ფერის.

ჭაღარა თმის საწინააღმდეგო რეცეპტი N12

გაჭაღარავებას ეფექტურად ებრძვის ვაშლის ძმარი. შეურიეთ იგი წყალს პროპორციით 1:1 და დაიბანეთ თმები მისი საშუალებით. შეიხვიეთ თავი პირსახოცით და გააჩერეთ ნახევარი საათის განმავლობაში, შემდეგ კი დაიბანეთ შამპუნით.

შედეგის მისაღებად პროცედურები გაიკეთეთ რამდენიმე თვის განმავლობაში. ნუ გამოიყენებთ აღნიშნულ მეთოდს თუ თმა შეღებილი გაქვთ, რადგან მან შეიძლება გარკვეული გავლენა მოახდინოს თმის ფერში შემავალ ზოგიერთ ქიმიურ კომპონენტზე.

ჭაღარა თმის საწინააღმდეგო რეცეპტი N13

აიღეთ 6 ცალი წითელი წიწაკა (უმჯობესია მშრალი), დაასხით ნახევარი ლიტრი არაყი (შეიძლება წყალიც) და დააყენეთ ნაყენი სიბნელეში 3 კვირის განმავლობაში.

შეიზილეთ თმის ძირებში ერთი სუფრის კოვზი ნაყენი თავის დაბანამდე 1 საათით ადრე. ეფექტი გამოჩნდება 2 კვირის შემდეგ.

ჭაღარა თმის საწინააღმდეგო რეცეპტი N14

აიღეთ ერთი ჩაის კოვზი ჟენშენი (ჩინური „სიცოცხლის ფესვი“ - იყიდება აფთიაქებში) და დაასხით ნახევარი ლიტრი არაყი. დააყენეთ 10 დღის განმავლობაში.

მიიღეთ ერთი სუფრის კოვზი - ჭამამდე 20 წუთით ადრე, 1 თვის განმავლობაში. (იყავით ფრთხილად და გაითვალისწინეთ რომ ნაყენი უმატებს არტერიულ წნევას.)

ჭაღარა თმის საწინააღმდეგო რეცეპტი N15

თმის მკურნალობისა და გაჭაღარავების საწინააღმდეგოდ, ინდოეთში ძალიან პოპულარულია ამლა - ინდური კენკრა, რომლის შეძენაც ინდური პროდუქტების მაღაზიებში ან დიდი სუპერმარკეტების აზიურ სექციებში.

ჭაღარა თმის მკურნალობისთვის, შეურიეთ ერთმანეთს ერთი სუფრის კოვზი დაფქვილი ალმას ფხვნილი, 1 სუფრის კოვზი ლიმონის წვენი და 2 ჭიქა ქოქოსის ზეთი. კარგად აურიეთ და მიღებული ნაზავი წრიული მოძრაობებით შეიზილეთ თავის კანში და დაიტოვეთ მთელი ღამის განმავლობაში. დილით თავი დაიბანეთ შამპუნით. თუ მთელი ღამით დატოვებას ვერ ახერხებთ, გაიჩერეთ ნაზავი თავზე მინიმუმ 30 წუთის განმავლობაში.

ჭაღარა თმის საწინააღმდეგო რეცეპტი N16

გარდა იმისა, რომ ჭინჭრის ნახარში ამაგრებს თმას და აფერხებს თმის ცვენას, იგი აფერხებს გაჭაღარავების პროცესსაც შემდგნაირად მომზადებული ნაზავით: შეურიეთ ერთმანეთს 500 მლგრ წყალი და 500 მლგრ ძმარი, დაუმატეთ 50 გრამი მშრალი ჭინჭარი და წამოადუღეთ 30 წუთის განმავლობაში.

შემდეგ გააცივეთ, გაწურეთ და შეიზილეთ თმის ძირებში რამოდენიმე დღის განმავლობაში. პროცედურა გაიმეორეთ შედეგის მიხედვით.

ჭაღარა თმის საწინააღმდეგო რეცეპტი N16

ოროვანდის საფუძველზე დამზადებული ლოსიონები, წარმატებით უმკლავდება თმის არასწორ პიგმენტაციას. ამასთან ხდის თმას უფრო ჯანმრთელსა და ძლიერს. მეტი ეფექტურობისთვის უმჯობესია ხსნარის სახლის პირობებში მომზადება:

აიღეთ ორი სუფრის კოვზი წვრილად დაჭრილი ოროვანდის ფესვები და დაასხით 500 მილიგრამი ცხელი წყალი და ადუღეთ 30 წუთის განმავლობაში. მიღებულ სითხეს დაუმატეთ ერთი სუფრის კოვზი კამის თესლი და დააყენეთ ნაყენი 3 საათის განმავლობაში.

ნაყენი აუცილებლად გაწურეთ და შეიზილეთ თმის ძირებში დღეში ორჯერ, ორი თვის განმავლობაში.

ჭაღარა თმის საწინააღმდეგო რეცეპტი N18

თმის სტრუქტურას ამაგრებს და ნაადრევ გაჭაღარავებას ეფექტურად ებრძვის შემდეგი ვიტამინების ნაზავი: შეურიეთ ერთმანეთს თითო სუფრის კოვზი სტაფილოსა და ლიმიონის წვენი. მიღებული მასა შეიზილეთ თმის ძირებში.

იმისათვის, რომ თმას დაუბრუნდეს ბუნებრივი პიგმენტაცია, გააჩერეთ ნაზავი თ,მაზე მინიმუმ 30 წუთის განმავლობაში, შემდეგ კი გულდასმით ჩამოიბანეთ თბილი წყლით. იმისათვის, რომ იგრძნოთ ეფექტი, პროცედურები ჩაიტარეთ რეგულარულად.

ჭაღარა თმის საწინააღმდეგო რეცეპტი N19

ნიორის და ხახვის სამკურნალო თვისებების შესახებ ყველასთვის ცნობილია, თუმცა ბევრმა არ იცის, რომ ეს პროდუქტები წარმატებით ებრძვის გაჭაღარავების პროცესს.

ნაზავის მომზადება ძალიან პრიმიტიულია. უბრალოთ გამოუღეთ წვენი, დააყენეთ 15 წუთი და შეიზილეთ იგი თმის ძირებში (შეგიძლიათ ერთად, შეგიძლიათ ცალ-ცალკე), შემდეგ კი წაისვით თმაზე კვერცხის გული. სასურველია თუ ნაზავს გააჩერებთ 40-60 წუთის განმავლობაში,

შემდეგ თავი დაიბანეთ რბილი, მკვეთრი და სასიამოვნო სუნის მქონე შამპუნით (რათა არ შეგაწუხოთ სუნმა).

ჭაღარა თმის საწინააღმდეგო რეცეპტი N20

გაიკეთეთ თავის კანის მასაჟი ძროხის რძის კარაქით კვირაში ორჯერ.

 

ჭაღარასთან ბრძოლა სამედიცინო მეთოდებით

 

ჭაღარასთან ბრძოლა სამედიცინო მეთოდებითგაჭაღარავების პროცესის მედიკამენტოზურ მკურნალობას ნიშნავს მხოლოდ ექიმი-დერმატოლოგი, ტრიხოლოგი ან ენდოკრინოლოგი.

დღესდღეობით, ჭაღარის მკურნალობის მეთოდად მიიჩნევა მაგნეზიის 25%-იანი ინექციები. კომპლექსში აგრეთვე ინიშნება ვიტამინები და მიკროელემენტები, რომლებიც შეიცავენ თუთიას.

კარგ ეფექტს იძლევა მეზოთერაპია ნიკოტინის მჟავისა და ისეთი შამპუნის გამოყენებით, რომლის შემადგენლობაში შედის თუთია, სპილენძი და რკინა.

გარდა ამისა, არსებობს ბევრი სპეციალიზირებული შამპუნი, ბალზამი, ნიღაბი და გადასავლები სითხე, რომელთაც შეუძლიათ შეანელონ გაჭაღარავების პროცესი. მათი დანიშვნა შეუძლია ექიმ დერმატოლოგს, ტრიხოლოგს ან პროფესიონალ სტილისტ/პარიკმახერს.

ყველა ასეთი საშუალების მოქმედების პრინციპი დაახლოებით ერთი და იგივეა: თავის კანისა და თმის გაძლიერებული კვება არასაკმარისი მიკროელემენტებითა და ვიტამინებით.

მნიშვნელოვანია იცოდეთ, რომ ნებისმიერი კოსმეტიკის, აგრეთვე სამკურნალო ბალზამებისა და ნიღბების გამოყენების დროს, ეფექტი არ იქნება არანაკლებ 70 დღეზე ადრე. საქმე იმაშია, რომ უკვე გაზრდილი თმის შეცვლა შეუძლებელია. შეიძლება ის მხოლოდ შეიჭრას, ან შეიღებოს. ზემოქმედება შესაძლებელია მხოლოდ მომავალ, ფორმირების პროცესში მყოფ თმაზე..

სასურველი შედეგის მისაღებად, უმჯობესია ჩააბაროთ სისხლის საერთო ანალიზი და მცირე რაოდენობით საკუთარი თმის ღერი, რათა გაირკვეს მისი შემედგნელობა. შესაძლოა გაჭაღარავების მიზეზი იყოს, ჰაერში, წყალში და ზოგადად იმ ადგილში (სადაც თქვენ ცხოვრობთ), რადგან თმა არის სააბაზანოს ღრუბელივით, რომელიც ძალიან ადვილად შეიწოვს მის ირგვლივ არსებულ დიდი რაოდენობით მავნე მინარევებს.

სისხლის ანალიზით და თმის ღერის შემადგენლობით კი ექიმი მარტივად დაადგენს რითი იკვებებით და რას სვამთ, რა გაწუხებთ და რა სჭირდება თქვენს თმას.

თანამედროვე მიღწევების შესახებ: მეცნიერები იძლევიან იმედს, რომ სულ მალე ერთხელ და სამუდამოდ დაამარცხებენ ჭაღარას.

ნიუ-იორკის უნივერსიტეტის სამედიცინო ცენტრის თანამშრომლებმა ადამიანის ორგანიზმში აღმოაჩინეს სპეციალური ცილა - Wnt, რომელიც კოორდიანციას უწევს პიგმენტაციას ორი ტიპის უჯრედში. სწორედ მეალნიციტურ უჯრედებში ამ ცილის ნაკლებობა იწვევს თმის გათეთრებას.

„თუ გენეტიკის საშუალებით მივაღწევთ Wnt-ის სასიგნალო პროტეინების მანიპულირებას, შესაძლებელია გაჭაღარავების შეჩერება“ - ამტკიცებს პროფერსორი მაიუმი იტო. „ჩვენ წარმატებით გამოვცადეთ ეს ტექნოლოგია თაგვებზე, ეხლა ჯერი მოხალისეებზეა“ - აღნიშნა პროფესორმა.

მეცნიერების აღმოჩენამ შესაძლოა ხელი შეუწყოს აღმდგენი შამპუნების შექმნას, რომლებიც დაუბრუნებენ თმას ბუნებრივ ფერს.

კიდევ ერთი აღმოჩენა: ევროპელმა მეცნიერებმა მიაგნეს მეთოდს, რომელიც ჭაღარა თმისგან სამუდამოდ თავის დაღწევის საშუალებას იძლევა.

როგორც ზემოთ ავღნიშნეთ, ჭაღარა თმის მიზეზია ეპიდერმული ჟანგვითი სტრესი, რის გამოც თმის ფოლიკულებში გროვდება წყალბადის ზეჟანგი, რომელიც იწვევს თმის ფერის დაკარგვას.

ეხლა მეცნიერები მუშაობენ კრემის შექმნაზე, რომელიც დაუბრუნებს ადამიანს ბუნებრივ თმის ფერს. ჯერ-ჯერობით, ეს კრემი წარმატებით გამოსცადეს მხოლოდ იმ ადამიანებზე, რომლებსაც თმა გაუჭაღარავდათ არა ასაკის, არამედ ისეთი მდგომარეობის გამო, რომელსაც ეწოდება ვიტილიგო (კანისა და თმის გარკვეული მონაკვეთების გაუფერულება).

ბრიტანელი და გერმანელი დერმატოლოგების ჯგუფმა შეისწავლეს დაახლოებით 2000 ადამიანი, რომელთაც ვიტილიგოს გამო დაკარგული ჰქონდათ პიგმენტაცია კანისა და თმის გარკვეულ მონაკვეთებზე (მართალია ვიტილიგო არ არის საშიში და გადამდები, მაგრამ გარკვეულწილად იწვევს სტრესს კოსმეტიკური დეფექტის გამო).

მეცნიერებმა დაადგინეს, რომ ასეთ ადამიანებს უგროვდებოდათ ისეთი ქიმიური ნივთიერებები, როგორიცაა პეროქსინიტრიტი და წყალბადის ზეჟანგი.

მათ გამოიყენეს კრემი შეერთებით PC-KUS - შეცვლილი (მოდიფიცირებული) ფსევდოკატალაზა, რომლის აქტივიზაცია ხდება მზის ულტრაიისფერი სხივების ზემოქმედებით.

კრემმა ბუნებრივი ფერი დაუბრუნა კვლევებში მონაწილეთა კანს და წამწამებს.

იმის გამო, რომ ვიტილიგოსა და ასაკის გამო გაჭაღარავების გამომწვევი მიზეზი პრინციპში ერთი და იგივეა, შესაძლოა კრემის პროტოტიპის შექმნამ ბიძგი მისცეს ჭაღარის საწინააღმდეგო კრემის ფარმაცევტულ კომპანიებში გამოჩენას.

 

ჭაღარასთან ბრძოლა სწორი კვების საშუალებით

 

ჭაღარასთან ბრძოლა სწორი კვების საშუალებითჭაღარის გაჩენა შესაძლოა გამოწვეული იყოს არასწორი კვებით ან დიეტით. ადამიანის ორგანიზმს სჭირდება დიდი რაოდენობით ვიტამინი B12, სპილენი და ომეგა-3 -  თმის ჯანსაღი უჯრედებისთვის.

ამიტომ, ჭაღარა თმის მკურნალობისა და პრევენციისთვის, აუცილებელია რაციონში ცილით მდიდარი პროდუქტების დამატება.

ხორბლის თავთავის წანაზარდები, ბურღულეული, ხორცი და სოია -  ერთ-ერთი ყველაზე დიდი რაოდენობით ცილის შემცველი პროდუქტებია.

ცილის მოხმარების გაზრდასთან ერთად, აუცილებელია რკინით, მინერალებით, A და B ვიტამინებით მდიდარი პროდუქტები.

იმისათვის, რომ თავიდან აიცილოთ გაჭაღარავება, აუცილებელია ისეთი მინერალები, როგორიცაა სპილენძი და თუთია. ეს მინერალები უზრუნველყოფს გაჭაღარავებასთან დაკავშირებული პრობლემების მოგვარებას.

სპილენძს შეიცავს ისეთი პროდუქტები, როგორიცაა მანგოლდი (წითელი მხალი), ისპანახი, შირბახტი (ქუნჯუთი), მდოგვი, კომბოსტო, მზესუმზირას მარცვლები, ნუში, კიბორჩხალა (ნამდვილი კრაბი), ხამანწკა, კვერცხის გული, სოკო, თალგამი, ბადაგი, ქეშიუს კაკალი და ა.შ.

რკინის დეფიციტის შევსებისთვის შეგიძლიათ მიირთვათ შემდეგი პროდუქტები: ქათმის ღვიძლი, მოლუსკები, საქონლის ხორცი, ოხრახუში (პეტრუშკა), ხორბალი, მზესუმირის მარცვლები, საქონლის ღვიძლი, კრევეტები, კურაგა, მიდიები, ხამანწკები და ა.შ.

ცინკის დეფიციტს უზრუნველყოფს შემდეგი პროდუქტები, საფუარი, გოგრის მარცვლები, საქონლის წითელი ხორცი (მოხარშული), კაკაოს ფხვნილი, მოხარშული საქონლის ენა, ინდაურის ხორცი, კვერცხის გული, შირბახტის (ქუნჯუთი) მარცვლები, ქათმის მოხარშული გული, არაქისი, მზესუმზირას მარცვლები, კედარის კაკალი, ბატიბუტი, მსხვილად დაფქვილი ხორბლის ფქვილი, არაქისის ზეთი და ა.შ.

A ვიტამინს შეიცავს მუქი მწვანე ბოსტნეული და ყვითელი ხილი, B ვიტამინს კი ქორფა, მწვანე ფურცლოვანი ბოსტნეული, ბანანი, პომიდორი, ფერადი კომბოსტო, ბურღულეული, ღვიძლი, თირკმელი, იოგურტი და ა.შ.

ჭაღარას წარმატებით ებრძვის იოდის შემცველი პროდუქტებიც, როგორიცაა: სტაფილო, ყვავილოვანი კომბოსტო, ზღვის კომბოსტო, თევზი, ფეიხოა და ა.შ

თუ თმის გაჭაღარავება გამოწვეულია ამინომჟავა თიროზინის ნაკლებობით, ამ შემთხვევაში პრობლემას თავიდან აგაცილებთ შემდეგი პროდუქტები: ჭოტოსანი ლობიო, ავოკადო, თხილი, ნიგოზი, ბანანი, თხის რძე, გოგრისა და შირბახტის (ქუნჯუთი) მარცვლები, ვაშლი და ვაშლის წვენი, ღვიძლი, ოხრახუში (პეტრუშკა).

გაჭაღარავების პრევენციისთვის ძალიან კარგია ალუბლის, ავოკადოს, ჟოლოს, ტყის მარწყვის, ტყის მაყვლის ჯიშის - ძაღლმაყვალას (Rubus caesius), მსხლის (ნებისმიერი), კომბოსტოს, თავიანი ხახვის წვენები, აგრეთვე ლეღვისა და კალანჰოეს ფოთლების წვენი.

 

ჭაღარასთან ბრძოლა ვიტამინებისა და ბიოდანამატების საშუალებით

 

ჭაღარასთან ბრძოლა ვიტამინებისა და ბიოდანამატების საშუალებითსაჭირო ვიტამინებისა და მინერალების დეფიციტის შევსებამ,  შესაძლებელია შეაჩეროს, შეანელოს და ზოგჯერ უკუაქციოს კიდეც გაჭაღარავების პროცესი.

უნდა აღინიშნოს, რომ ყველა ქვემოთ ჩამოთვლილი ნივთიერება, ყველას არ ეხმარება.

სამწუხაროდ დღესდღეობით არ არსებობს ისეთი უნივერსალური პრეპარატი, რომელიც საბოლოოდ დაამარცხებდა ჭაღარას.

ვიტამინი B12 - შესაძლებელია მიიღოთ აბების სახით.

ომეგა 3 - შესაძლებელია მიიღოთ კაფსულების სახით.

მინერალები - კალციუმი, თუთია და სპილენძი შესანიშნავია გაჭაღარავების პრევენციისთვის.

ბიოტინი - აფერხებს გაჭაღარავების პროცესს და ხელს უშლის მის შემდგომ პროგრესირებას.

ფოლიუმის მჟავა (B9) - ძალიან ეფეტურია - ხელს უწყობს გაჭაღარავების პროცესის შეჩერებას.

ინოზიტოლი - იცავს თმის ფოლიკულებს და აფერხებს გაჭაღარავების პროცესს.

პარაამინობენზოინის მჟავა (PABA) - იგივე ვიტამინი В10  - ზოგჯერ ხელს უწყობს გაჭაღარავების პრიცესის შეჩერებას (ადამიანის ორგანიზმს სჭირდება დღეში 6-24 გამი).

ზრდის ჰორმონი - ადამიანის ზრდის ჰორმონი HGH მოქმედებს ჭაღარა თმის წარმოქმნის პროცესზე, ამიტომ, შეთავსებითი თერაპია საშუალებას იძლევა დაუბრუნდეს თმას ბუნებრივი ფერი.

L-თიროზინი - თიროზინი აუცილებელია მელანინის წარმოქმნისთვის. პრეპარატი სახელწოდებით გლივეკი (GLIVEჩ), შეიცავს თიროზინს, რომელიც ხელს უწყობს თმის ნორმალური ფერის დაბრუნებას.

DMAE - ერთ-ერთი მთავარი დანამატი თმის სიცოცხლისუნარიანობის გასახანგრძლივებლად. გარდა იმისა, რომ ხელს უწყობს თმის ბუნებრივი ფერის დაბრუნებას, გამოიყენება თმის სწრაფად ზრდის სტიმულირებისთვის.

Fo-Ti - ჩინური ბალახი.

Jiaogulan (ექტრაქტი) ჩაი - ჭაღარის პრევენციისთვის განკუთვნილი საშუალება.

Eugenol Oil - დამტკიცებულია, რომ ხელს უწყობს თმის ბუნებრივი ფერის აღდგენას.

ზეთი „ამლა“ (AMLA - HAIR OIL) - ხელს უწყობს თმის ფოლიკულების გამაგრებას, აუმჯობესებს თმის ზრდასა და პიგმენტაციას.

Ligustrum - უძველესი დროიდან იყენებენ ჩინელები, როგორც გაჭაღარავების პროცესის შემაჩერებელ საშუალებას.

Ashwagandha - ეს ნივთიერება დადებით ზემოქმედებას ახდენს მელენინზე.

სუპეროქსიდდისმუტაზა - ხშირად გვხვდება გელების შემადგენლობაში და ხელს უწყობს ნაადრევი გაჭაღარავების პროცესის პრევენციას.

ტრეტინოინი - ალფა-ჰიდროქსილის მჟავებთან შეთავსებით, მძლავრი საშუალებაა თმის ბუნებრივი ფერის აღსადგენად.

ზეთი „ემუ“  (EMU OIL) - ბევრ ადამიანს აინტერესებს, შეუძლია თუ არა შამპუნს დაამარცხოს ჭაღარა. ეს გარკვეულწილად შესაძლებელია, თუ შამპუნი შეიცავს ზეთ „ემუს“, რომელიც ამდიდრებს თმას მკვებავი ნივთიერებებით.

ზეთი „ემუ“ ფაქტიურად ზემოქმედებს თმის ფოლუკულების ფესვზე და ხელს უწყობს მის აღდგენას. იგი გამოიყენება ბევრი მწარმოებლის მიერ გაჭაღარავების საწინააღმდეგო საშუალებების დასამზადებლად.

შამპუნები - არსებობს შამპუნები, რომელიც ხელს უშლის და აფერხებს ჭაღარა თმის წარმოქმნას, ასეთი შამპუნები აქვს ბევრ ცნობილ მწარმოებელს, მათ შორის პოპულარობით გამოირჩევა: Matrix "So silver", Bionex "Tricomplex CX17", TianDe "Master Herb", Periche "White Hair", Schwarzkopf "BC Color Save Silver", L’Oreal Professional "Gloss Protect" და სხვა...

 

შეიძლება თუ არა ჭაღარა თმის ამოგლეჯა

 

შეიძლება თუ არა ჭაღარა თმის ამოგლეჯაძალიან ბევრ ადამიანს აინტერესებს პასუხი კითხვაზე: ამოგლეჯილი თეთრი თმის ღერის ადგილზე, ამოვა თუ არა ისევ თეთრი თმა.

ამ კითხვაზე არსებობს ზუსტი პასუხი - თეთრი თმის ღერის ამოგლეჯის ადგილზე, ამოვა ისევ თეთრი თმის ღერი.

ამასთან ერთად, თეთრი თმის ღერის ამოგლეჯის დროს, ძალიან დიდი შანსია (და პრაქტიკულად ასეც ხდება), რომ ამოგლეჯილი თმის გვერდით განთავსებული თმის ღერებიც გათეთრდეს.

იქმნება შთაბეჭდილება, რომ ამოგლეჯილი თმის ირგვლივ, თითქოსდა მრავლდება და აღმოცენდება ახალი თეთრი თმის ღერები.

საქმე იმაშია, რომ თმის ფესვი, ფოლიკულის საფუძველთან გამოყოფს შრატს, რომელიც ჟონავს თმის ჩანთის გარშემო არსებულ მონაკვეთზე და ასნებოვნებს (გადაედება) გარშემო არსებულ თმას.

ამის გარდა, თმის ღერის ამოგლეჯით, შეიძლება დაზიანდეს თავის კანის ნაზი ფოლიკულა, რამაც შესაძლოა ინფექციის წარმოქმნა, ან თმის ღერის საერთოდ დაკარგვა გამოიწვიოს.

 

თმის შეღებვა ჭაღარის დასამალად

 

თმის შეღებვა ჭაღარის დასამალადდღესდღეობით, ჭაღარა თმისგან თავის დაღწევა, ყველაზე ხშირად ხდება თმის შეღებვის საშუალებით. თუმცა გასათვალისწინებელია, რომ ერთი თვის განმავლობაში თმა დაახლოებით 5-15 მმ-ით იზრდება, შესაბამისად, ერთხელ თმის შეღებვის შემდეგ საჭიროა ყოველ 3-4 კვირაში განმეორებით ჩატარდეს შეღებვის პროცედურა, რათა გარეგნული იერ-სახე არ დაირღვეს და მუდმივად მოწესრიგებულად გამოიყურებოდეთ.

ყურადღების გამოჩენაა საჭირო საღებავის შერჩევის დროს. საღებავი უნდა იყოს სპეციალური, ჭაღარა თმის შესაღებად და შესანიღბად განკუთვნილი.

შეარჩიეთ ტონი, რომელიც ახლოსაა თმის ბუნებრივ ფერთან, ან ოდნავ ღიაა მასთან შეარებით. ძალიან მუქი ფერის, შავი თმა ხაზს უსვამს დაღლილობას, ასაკს, ნაოჭებსა და დამჭკნარ კანს. თუ ქალი ასაკშია, მას არ უხდება ღია წითური ფერი, რადგან შეიძლება კანს მისცეს ნაცრისფერი ან მოყვითალო ელფერი.

სანამ ჭაღარის მოცილებას თმის შეღებვის საშუალებით გადასწყვეტთ, აუცილებლად გაიარეთ კონსულტაცია სტილისტ/პარიკმახერთან, რომელიც გაითვალისწინებს თქვენი თმის მდგომარეობას, სტრუქტურას, მის ბუნებრივ ფერს და დაგეხმარებათ საღებავის სწორად შერჩევაში.

თმის შესაღებად შეიძლება როგორც ქიმიური, ასევე ბუნებრივი, მცენარეული საღებავების გამოყენება. თუმცა, პროცედურის დაწყებამდე, უმჯობესია შეამოწმოთ, ხომ არ გამოიწვევს საღებავი თავის კანის ალერგიულ რეაქციებს და როგორ გადაიტანს იგი შეღებვის პროცესს.

ამისთვის, საღამოს წაისვით მცირეოდენი საღებავი ბამბის საშუალებით თმის მცირე მონაკვეთზე (უმჯობესია ყურის უკანა მხარეს) და დილით შეამოწმეთ. თუ ადგილი არ აქვს კანის გაწითლებას და გაღიზიანებას, შეგილიათ თამამად შეუგენთ ჭაღარის შეღებვის პოროცესს. არ დაგავიწყდეთ გამოიყენოთ ხელთათმანები., რომელიც დაიცავს ხელებს დასვრისგან და საღებავის მავნე ზემოქმედებისგან.

დიდი რაოდენობით ჭაღარის შეღებვა შესაძლებელია ხნით და ბასმით. შავი და მუქი თმა კარგად იღებება ბასმით, ხოლო ოქროსფერი და მოწითალო შეფერილობა შესაძლებელია მიიღოთ ხნის საშუალებით. თუ ხნას დაუმატებთ ადუღებულ წყალში გახსნილ ყავას, მიიღებთ ღია-მოწითალო ტონს, ხოლო გვირილის დამატების შემთხვევაში, თმა მკვეთრ ოქროსფერ შეფერილობას მიიღებს.

ჭაღარის პრევენციისთვის  ძალიან ეფექტურია შემდეგი ნიღბები და ნაყენები:

ყავისფერი თმისთვის - ერთმანეთში აურიეთ: ერთი სუფრის კოვზი უფერო ხნა, ერთი სუფრის კოვზი კაკაოს ფხვნილი, ერთი სუფრის კოვზი ზეითუნის ზეთი, ერთი კვერცხის გული, წინასწარ წყალში დამბალი სიგარეტის ღერიდან გადმოყრილი თუთუნი (1 ღერი), 5 დაქუცმაცებული მიხაკის სანელებელი, ერთი სუფრის კოვზი ამჟავებული რძე და 5 მლგ ვიტამინი A-ს ზეთოვანი ხსნარი. აუცილებლობის შემთხვევაში დაუმატეთ თბილი წყალი.

შედეგად მიიღებთ საშუალო სისქის მასას, რომელიც გააცხელეთ წყლის აბაზანაში და წაისვით წინასწარ დაბანილ, ნოტიო თმაზე. შეიფუთეთ თავი პოლიეთილენის ქუდით, ან ცელოფნით და ზემოდან მოიხვიეთ პირსახოცი.

2 საათის შემდეგ ყველაფერი მოიხსენით, ფრთხილად დაივარცხნეთ თმა და გულდასმით დაიბანეთ შამპუნით.

ჩაი - (ერთ ჭიქა ადუღებულ წყალზე სამი სუფრის კოვზი) - ყოველი დაბანის შემდეგ გადაივლეთ თმაზე მაგარი ჩაის ნაყენი, რომელიც ჭაღარაშერეულ თმას, ანიჭებს მუქ ყავისფერ შეფერილობას.

მაყვალი - მაყვლის მარცვლების ნაყენი ანიჭებს თმას მოწითალო-მოყავისფრო შეფერილობას.

ბერძნული კაკლის მწვანე კანი - (მისი დაყენება ხდება სპირტზე) - ანიჭებს თმას ყავისფერ შეფერილობას.

 

როგორ მოიცილონ ჭაღარა მამაკაცებმა?

 

როგორ მოიცილონ ჭაღარა მამაკაცებმა?ფაქტია და გასაგებიცაა, რომ ძლიერი სქესის წარმომადგენლების უმრავლესობა, ჭაღარის გასაქრობად თმას არ შეიღებავს.

ამიტომ, მათთვის არსებობს სპეციალიზირებული საშუალებები, რომელიც ეხმარება თმას ნატურალური ფერის დაბრუნებაში.

სპეციალური კრემები, რომელიც უბრუნებს თმას პირვანდელ ფერს

პრეპარატები, რომელიც ნატურალურ ფერზე ღებავს მხოლოდ ჭაღარა თმას, ამასთან დანარჩენი თმის ფერი რჩება უცვლელი.

ამ პროცედურის ეფექტის ხანგრძლივობა შეადგენს 6-8 კვირას, რის შემდეგაც პროცედურა უნდა განმეორდეს.


იხილეთ: ყველაფერი თმის შესახებ

 
 
 

უკან

 
 
 
  • რეკლამა
  • ჰორო
  • ტესტები

 


 

 

სწრაფი სესხები


თალიზი - Aura.Ge

 

hipp - Aura.Ge

 

დღის აურა