ფეხმძიმობა
პერსონა გრატა (ლათინურიდან persona grata - სასურველი პირი) - დიპლომატიურ პრაქტიკაში, დიპლომატიური წარმომადგენელია, რომელთან მიმართებაშიც, მიმღებმა სახელმწიფომ გასცა მისი დანიშვნისა და სახელმწიფოში ჩასვლის თანხმობა.
ელჩებთან, ან საკონსულო წარმომამადგენლებთან მიმართებაში ეს განისაზღვრება აგრემანის ან ეგზეკვატურის მიღების პროცედურით, ხოლო სხვა დიპლომატიური თანამშრომლების მიერ ვიზის მიღება და მიმღებ ქვეყანაში ჩასვლა, ნიშნავს მათ აღიარებას პერსონა გრატად.
პერსონა ნონ გრატა (ლათინურიდან persona non grata - არასასურველი პირი) - დიპლომატი, რომელიც გამოცხადებულია მიმღები სახელმწიფოს მთავრობის მიერ არასასურველ პირად.
ამ შემთხვევაში, აკრედიტაციის გამცემი სახელმწიფო გაიწვევს მას უკან, სამშობლოში და მან უნდა დატოვოს მიმღები ქვეყანა.
დიპლომატის პერსონა ნონ გრატად გამოცხადები მოტივი შეიძლება გახდეს: მის მიერ მიმღები ქვეყნის საშინაო საქმეებში ჩარევა, ქვეყნის კანონების ან ტრადიციების დარღვევა, ან უპატივცემულობა, დიპლომატის იმუნიტეტისა და პრივილეგიების ბოროტად გამოყენება.
ხშირად, ამ ტერმინის უკან იმალება ფორმულირება - „აკრძალული მოქმედებისთვის, რომელიც შეუსაბამოა დიპლომატის სტატუსთან“ - რომლის უკან შეიძლება იდგეს ბრალდება ჯაშუშობაში.
ამასთან, საერთაშორისო ნორმების შესაბამისად, რომელიც დაფიქსირებულია 1961 წლის ვენის კონვენციით დიპლომატიური ურთიერთობების შესახებ, მიმღები ქვეყნის ხელისუფლება არ არის ვალდებული განმარტოს მიზეზები, რომელთა გამოც დიპლომატი გამოცხადებულია პერსონა ნონ გრატად.
