მძიმე უკავშირო რთულ წინადადებაში

უკავშირო რთულ წინადადებაში ყოველი მარტივი (თუ შერწყმული) წინადადება მომდევნო წინადადებისაგან, ჩვეულებრივ, მძიმით გამოიყოფა.

"მზე კაშკაშებს, იქარგება

ყვავილებით მინდორ-ველი,

მოგვივიდა ზამთრის შემდეგ

გაზაფხული საყვარელი."

სავარჯიშო. გადაიწერეთ მაგალითები და დასვით სასვენი ნიშნები.

1. ქვითინებდა შველი კვნესოდა ჯეირანი ოხრავდა ირემი (ევდ.)

2. გადიღო ჟუჟუნა წვიმამ / ცამ ისევ მოიკრიალა / მზე ზღვის ტალღებზე დაეშვა / სხივები ააციალა (მღვ.).

3. გამოზაფხულდა გათბა დღე / შემოგვეხიზნენ მერცხლები (ერ.).

4. მარტი გავიდა გათბა დღე / დარები დადგა მზიანი / მიწა გაფუვდა ბუჩქებში / ამოჩენილან იანი (მღვ.).

5. აგერ კრავები კუნტრუშობენ თიკნები დახტიან გოჭები ჭიდაობენ კვიცები კოტრიალობენ (წერ.).

6. მამლები ყიოდნენ ძროხები ბღაოდნენ თიკნები კიკინენდნენ ქათმები კრიახობდნენ (დუმბ.).