მარი აბრამიშვილი - აჰა, ფოთლებმა დაიწყეს ცვენა!

აჰა, ფოთლებმა დაიწყეს ცვენა!

დაჰკარგეს ფერი,

დაჰკარგეს ენა, -

რაღას უყურებ

ადექ და წადი,

დამთავრებულა ეს წარმოდგენა.

ანდა მიწაზე დაემხე პირქვე -

არვინ შეგნიშნოს ეგ გულის ტკენა,

ეგე, ჭადარი გამხმარ ხელს

გიქნევს, -

დამთავრებულა ეს წარმოდგენა.

სიცოცხლის ჩიტის ფრთხიალი 

ჰგავდა

მოწყვეტილ ფოთლის წამიერ ფრენას, -

მძიმედ დაეშვა ყვითელი ფარდა -

დამთავრებულა ეს წარმოდგენა.