ცხოვრება მიდის წლები გამოხდა, უწყვეტად ბორგავს ბედის ბორბალი, დავბერდი ცოტა, მაგრამ რა მოხდა, წლებს არ ვნებდები, გინდა მომკალი. ურცხვად მატყუებს, არც კი რცხვენია, ნაოჭს მითვლის და ისე მაბრაზებს, სურს დამაჯეროს თითქოს ჩემია. მაინც ხომ მჯერა ზღაპარ-არაკის, დავდივარ ისევ და ყელს ვიღერებ, "ცოტათი" გავსცდი "ასაკს ბალზაკის". რა მოხდა, ვის არ აწუხებს სევდა, თუ მოსაცველელი არ შემრჩა კბილი და უსათვალოდ გაძნელდა ხედვა. განა დრო მუდამ გაგაღიმილებს, გამოებერა საფეთქლებს მყესი, ხელებშიც ვიღარ ვიჭერ გვირილებს. გრძნობების წყაროს წლები ვერ აშრობს, გული არასდროს არის ხნიერი, ბავშვად მოდის და ბოლომდე ბავშვობს. რად მითვლი ნაოჭს, ხომ არ გაგიჟდი, ცოტა დავბერდი, მერე რა მოხდა, არ იქნა მაინც ვეღარ დავდინჯდი. ჩემში ის გოგო არ გეგულება, ქალის ასაკიც იცოდე ადამ, მოგონილია როგორც ცდუნება. |
პოეზიის გვერდი • • • • • • ნანა მეფარიშვილის პოეზია |