მზია ჩხეტიანი - თუ გინდა, რომ იყო კაცი

- განა ათჯერ"

- ოცჯერ?

- ასჯერ?

- მილიონჯერ! ვინ არ გითხრა:

არ დადგება შენგან კაცი,

რადგან შენ არ გიყვარს კითხვა.

მიუჯდები ტელევიზორს,

აცეცდები დიდხანს, დიდხანს,

თავში გიდგას აბდაუბდა,

სულში გიდუღს ცოდვის კითხვა,

აღარ ვიცი, რა ვიღონო,

რით გიშველო, როგორ გიხსნა!

ხელში პულტი, წკაპი-წკუპი,

ტელეარხი... არხი... არხი...

ვერ მოგწყვეტენ ეკრანს თუკი

შენ არ მოგწყდა კინწი დაღლილს.

თუ გინდა, რომ იყო კაცი,

კაცურ სიტყვით, საქმით, ღვაწლით,

უნდა გცნობდნენ უკვე, როგორც

კარგ მწიგნობარს, ნაკითხ ყმაწვილს.