მიმდინარეობს ვებ-გვერდის რეორგანიზაცია-რეკონსტრუქცია. ამასთან, საიტის ფეისბუქ გვერდი გატეხილია. ვცდილობთ დავაჩქაროთ დაბრუნების პროცედურები. ბოდიშს გიხდით დისკომფორტისთვის.

 
წერილის გაგზავნა!
თემატიკა
ქალბატონებს მამაკაცებს ბავშვთა სამყარო ლიტერატურა ჯანმრთელობა ფსიქოლოგია სექსი ბიზნესი შოპინგი მოდა ეტიკეტი რელიგია შეუცნობელი ავტო+ ენციკლოპედიები საიტის შესახებ
 
 

პოეზია
პოეზია - ცნობილი ავტორები

 

თაფლის შესახებ
ყველაფერი თაფლის შესახებ

საათები

ფული ინტერნეტით
ფული ინტერნეტით

 

საიტების მონეტიზაცია

 

ვებ კატალოგი
ვებ-კატალოგი - Aura.Ge

 
  ნანახია 153 - ჯერ |  
შრიფტის ზომა

 

 

 

ქ-ნ ზინა კვერენჩხილაძეს

 

კრეონტს დაუჯერე, ანტიგონე!

გამიგონე:

თოჯინასთან თამაში მოიგონე...

მეფის ჭკვიანური დარიგება -

არ გაიგონო არ იქნება,

სიკვდილთან შეიძლება გარიგება?!

მაშინ სიცოცხლე რა იქნება,

მაშინ სიცილი რა იქნება,

ან სიყვარული რა იქნება,

თუ მოხდა სიკვდილთან გარიგება?!

მაშინ ხომ იქნები, ანტიგონე,

თუკი არაფერი არ იღონე?

შენც ადექი და შეიგონე,

ჩემო ცელქო გოგო, ანტიგონე!

ფრჩხილით დაგლეჯილი ნარ-ეკალი,

ბრჭყალით გადათხრილი სასაფლაო,

ზარი - მიმწუხრისას დარეკილი,

გვამი - ყვავ-ყორნების სალაფავი...

თავს ნუ გაიმეტებ, ანტიგონე!

როგორ დაგიძარღვდა ყელი ბროლის...

ვითომ შენნაირი აქტიორი

სადმე კიდევ იყოს ბარეორი.

მე ხომ ეგ თითები მებრალება...

მე ხომ შენი ყელი მენანება -

პიზის სვეტებივით გადახრილი,

ხმების ჩახლეჩამდე დავანება,

თმები გადმოყრილი დალალებად,

მკერდის შემართული ბალდახინი.

გეაჯ... შეიგონე, ანტიგონე!

გეხვეწ... გამიგონე, კარგო გოგო,

რითაც ანტიგონე ანტიგონობს,

რითაც ლამაზია,

რითაც მწყაზარია,

რითაც ბრწყინვალეა - დაივიწყე!

მაშინ რიღასი ხარ, ანტიგონე,

თუკი არაფერი არ იღონე!

წესის აგებას გთხოვს ხორციელი...

ახლა ვერაფერი ვერ გიშველის -

შენმა უცნაურმა საქციელმა

უკვე გადარია ბიძაშენი:

რად დაიტირეო პოლენიკე?

ო, რა ჯიუტი ხარ, ანტიგონე!

ჯერ არ არსებულა ორი ნიკე -

იქნებ შენ თვითონ ხარ ის ქალღმერთი,

ახლა შენზე როა მელოგინე.

ოღონდ ააღელვე ჩვენი სული,

ოღონდ განიწმინდოს ჩვენი გრძნობა...

გეაჯ... ერთი ნატვრა აღმისრულე -

კიდევ ითამაშე ერთიგზობა!

კრეონტს დაუჯერე, ანტოგონე!

გამიგონე:

რაღაც საფარცაგო მოიგონე.

მე ხომ ეგ თვალები მებრალება...

მე ხომ შენი ყელი მენანება -

პიზის სვეტებივით გადახრილი.

მინდა შენი ხელით დავიმარხო

აქვე შენ წიაღში, სადმე ახლოს

შენი ბროლის მკერდის ბალდახინით.

 
 
 

 
 
 
  • რეკლამა
  • ჰორო
  • ტესტები
ორსულობის შესახებ
ყველაფერი ორსულობის შესახებ

 

თალიზი - Aura.Ge

 

როგორ გავიზარდოთ?
როგორ გავიზარდოთ სიმაღლეში

Loading...

გონივრული არჩევანი
საყოფაცხოვრებო ტექნიკა - Aura.Ge

წყლის შესახებ