ნოდარ ჯალაღონია - წავალ, წამყვება შენი უარი

წავალ, წამყვება შენი უარი,

როგორც ღამეთა თეთრად თენება.

მე მოველოდი უფრო უარესს, -

უმიზნო დღეებს და მოსვენებას.

ისევ მექნება ტკბილი სიზმარი,

ჩუმი სევდა და სველი თვალები.

შენ დამიბედე ბევრი სიზმარი

მომავალ დღეთა ფერისცვალების.

წავალ, წამყვება შენი უარი,

როგორც განძი და როგორც წვალება,

მე მოველოდი უფრო უარესს,

მაგრამ დამინდეს შენმა თვალებმა.