დოდო გვიშიანი - მაღლა-მაღლა რომ დაფრინავ

მაღლა მაღლა რომ დაფრინავ

ვარსკვლავი ხომ არა ხარ,

იქნებ დაბლა ჩამობრძანდე

მეც მომხედო ხანდახან.

ნისლებში რომ იმალები

მზის სხივი ხომ არა ხარ

ჩემ ბაღებსაც მოაფინე

ჩემი ქუჩის ბარაქა.

იქნებ ერთხელ მოგენატროს

ჩემი სახის დანახვა

ღრუბელ-ღრუბელ დამეძებდე

მეძახოდე სადა ხარ.

აქეთ იქით რომ დაფრინავ

ნიავი ხომ არა ხარ

იქნებ ჩემთან მოგიყვანა,

ჩემი დარდიც გენახა.

არ მოხვალ და სხვასთან წავალ

სხვა ანგელოზს მოვნახავ

მაღლიდან რომ გადმომყურებ

განა შენი მონა ვარ.