თეიმურაზ ლანჩავა - მე შენ მიყვარხარ

მე შენ მიყვარხარ,

რამდენმა თქვა,

რამდენი იტყვის,

ეს სამი სიტყვა,

არ ძველდება,

სულ ცოცხლობს თითქმის...

უკვდავებაა სიყვარული,

ანდამატია,

სულსაც ჩუქნიან ერთმანეთს და

არ ამადლიან...

სულ ახალია, სულ ცინცხალი,

ყოველთვის ფასობს,

სევდაშიც ხშირად,

ტკივილშიაც

სიხარულს აქსოვს.

ნუ მოშლი ღმერთო

ამ სიტყვების მთქმელს

და გამგონეს,

მარადიულში მარადიულს

რომ შთაგოგონებს.