მიმდინარეობს საიტის მიგრაცია!

 
წერილის გაგზავნა!
თემატიკა
ქალბატონებს მამაკაცებს ბავშვთა სამყარო ლიტერატურა ჯანმრთელობა ფსიქოლოგია სექსი ბიზნესი შოპინგი მოდა ეტიკეტი რელიგია შეუცნობელი ავტო+ ენციკლოპედიები საიტის შესახებ
 
 

პოეზია
პოეზია - ცნობილი ავტორები

 

თაფლის შესახებ
ყველაფერი თაფლის შესახებ

საიტების მონეტიზაცია

ფული ინტერნეტით
ფული ინტერნეტით

 

 

ვებ კატალოგი
ვებ-კატალოგი - Aura.Ge

 
  ნანახია 319 - ჯერ |  
შრიფტის ზომა

 

 

 

მზე იღვენთება, უკანასკნელ სხივს ჰფენს მაიდანს

და ორთაჭალას ეძალება ბინდის ვარაყი...

გარინდებული მტკვარს გაჰყურებს ნიკალაი და

აკანკალებულ მღვრიე ჭიქას ავსებს არაყით...

აჰა, ზედიზედ გამოსცალა ეშმას ნახადი

და აწეწილი შეენარცხა ისევ ბედ-იღბალს,

წარსულს მოსხლეტილს უნებურად ისევ ახადა

თავსაბურველი და მყობადი იჭვით შენიღბა...

ღმერთო, შემინდე უმეცარი, ურჩი მხევალი,

რომ ვერ შევიცან შენმიერი ვარსკვლავთ სავალი,

სევდის პატრუქზე ვაოქროვე დენთი მღელვარე

და ყოველ მწუხრის გასაყარზე წარსულს ვსვამ ალით...

ჭიქა არაყზე გადავცვალე რაც რამ მებადა,

სული ხორცითურთ გაჟღენთილი ლეშად ვაქციე,

გადავაჩვიე ლიტურგიებს, მირონცხებათ და

ახლა ეშმასგან განდგომილსაც არ ვჰგავ მაქციას...

მე ტრფობამ ვარდთა მრისხანება ლავად მაპკურა

და ცეცხლი მისი შეუმკრთალი ჯერაც არ ცხრება: -

რიყის შეღმართებს დავუყვები ულუკმაპურო

და მოკისკასე ლამაზმანთა ციალით ვძღები...

...ერთდროს კი ჩემში სანუკვარი მწიფდა ზღვის კიდე

და ჩემი სულის ვიაილეთს ეშხით ავსებდა,

ვარდთა დასტებით სიყვარული გამოვისყიდე

და მასთან ერთად განვიძარცვე მთელი არსებაც...

შემოვიტმასნე ცა ფარაჯად, დარდი ვიშვილე,

მკერდში ამოზრდილს შევაკვეცე ყლორტი უკმეხ რტოს,

ვერ გამოვწურე ჩემგან ჩარჩი, ვერც მეწვრილშვილე

და ამიტომაც დავისაჯე ასე უღმერთოდ...

მე - სივრცის მეზვრე, უსივრცობის განცდით ჩამოვხმი,

გზებს ავედევნე შემოჭირხლულს, ხანაც ნაგვალევს,

დავეხეტები დუქან-დუქან, გაღმა-გამოღმით

და ყოველ ალაგს მოწიწებით ვტოვებ ნაკვალევს...

ოჰ, ეს ღარები სიჭარმაგის მამხელს ტიალი,

ჩემს სახის ნაკვთებს შეხიზნული დროის დარაჯად,

წელთა სიღრმეში შეუცნობლად დავხეტიალობ

და სამშვიდობო მაინც ღმერთო, არსით არა სჩანს...

შეგთხოვ უფალო, მომიტევე, რადგან დამჯაბნა

გზამ იდუმალმა, შენიღბულმა ატლას-ფარჩებით,

ალბათ დრო ცრემლით გადარეცხავს ამ ჩემს ნაჯაფარს

და ჩემი ხსოვნის ნატამალიც არსად დარჩება...

ვგრძნობ, რომ წინ სივრცე აღარ მიძევს ყარიბს, ავად ვარ...

ხვალ თუ არა ზეგ მივბარდები მაინც მიწრიელს,

ეს უფერული, უპირისწყლო ღამეც გავა და

სადმე ჯურღმულში აღმომხდება სული... ვიცი ეს...

...და რაც ვიალე, სიწყვდიადით გაითანგება,

(ბოლოს ხომ ქრება, ვინც კი ნებსით ამ გზას შემდგარა),

ვიცი, წამართმევს ყოველივეს ერთად განგება

და ჩემს სამარხსაც მოეღება ბოლო ჩემდარად...

და მაინც, ღმერთო, მადლიერი ვარ ამ თავნება

ყოფიერებით, ტრფიალებით, რა მხვდა არჩივად,

რომ ჩემში ვარდთა უპირობო ამპარტავნებამ,

ჩარჩი ჩაჰკლა და შემოქმედი გადაარჩინა!

და ჭიქა არყით მსურს ამ მიმწუხრს ნათლი ვაპკურო,

რახან განგება ცხონებისთვის კვლავ ფორას მაძლევს,

რომ ხვალ კვლავ რიყეს მივაშურო ულუკმაპურომ

და მოკისკასე ლამაზმანთა ციალით გავძღე...”

...ჭაღი ელვარებს უმკაცრესად უდიადესი,

ვიქტორიანულ ინტერიერს უღრენს ალისფრად

და ესალტება ტილოს, ვითარც სულეთს ჰადესი,

მილიონებად შეფასებულს ფიროსმანისას...

 
 
 

 
 
 
  • რეკლამა
  • ჰორო
  • ტესტები

ორსულობის შესახებ
ყველაფერი ორსულობის შესახებ

 

ოცხანური საფერე

თალიზი - Aura.Ge

 

როგორ გავიზარდოთ?
როგორ გავიზარდოთ სიმაღლეში

გონივრული არჩევანი
საყოფაცხოვრებო ტექნიკა - Aura.Ge

წყლის შესახებ