ეჰუდა ჰალევი - წუხელ მეზმანე

წუხელ მეზმანე,

ეჰა, ს ე ბ ი ა,

თმა შეგმოსოდა უცხო არილით,

წინ ასპიროზი მიგიძღვებოდა

სხივშემართული წინამძღვარივით.

ბრუნავდა დისკო,

ხმობდნენ გუნდები,

ყრუდ გუგუნებდა ბინდი მუხთალი,

ოქრო...

ოქსინო...

იაგუნდები,

ნაფარჩალი და

ნაზურმუხტალი...

ო, ხილვა იგი! -

თითქოს აღსავლით

ცა სტიქიონთა შესძრა ხმაურმა

და უნაპირო მშვენებასავით

მზის სილამაზე შემეცნაურა.