გურამ პეტრიაშვილი - თაიგულში

თაიგულის ყვავილმა, შეიყვარა მეორე,

მეორემ კი მაშინვე, შეიყვარა პირველი

და ეს გრძნობა ლამაზი, ლტოლვა ერთმანეთისკენ

ფერის ფერს მიმატება, იყო გასაკვირველი.

უხაროდა ორივეს სუნთქვა ერთმანეთისა,

თრთოდნენ გაუთავებლად ერთმანეთის შეხებით,

ასე დიდ საწნახელში ქალ-ვაჟს ვნება ათრთოლებს

ერთდროულად ერთმანეთს თუ შეეხნენ ფეხებით.

თაიგული ლარნაკში იდგა, სურნელს აფრქვევდა,

საოცარი სურნელი იყო აქ მოტანილი

და ციური სურნელის მიწიერი მიზეზი,

მიზეზიც და მიზანიც, იყო ორი ყვავილი...