მღელვარება ღრღნის ქალაქის ქალას: ჩავარდნილ თვალებს და ღია ბაღებს. უძრავ ლენინით მრისხანე ძალას სძრავენ ზოდები -
მახსოვს იმ დღეთა ტოლნი და სწორნი... შფოთავს, საოცრად შფოთავს ვოლტორნი და ფაგოტები...
მსგავსი ქარხნების დაბურულ კრთომის გრიგალი ღრღნიდა ქალაქის ქალას... იქ ავლენილი,
ორი ბოროტად ანთებულ ომის და სამი მძაფრი რევოლუციის დროშა - ლენინი.
ოცნება თოვლში დაკარგულ ქოხის და რკინის დროის გზაჯვარედინი. პროლეტარიატი!
განწირულებით ის ეძებს ფერებს, რომ მოეფინოს დაჩაგრულ ერებს სითბო მარადი.
აქ ბევრი ბრძოლის გათავდა ვადა, სტოვებს ბელადი და ამხანაგი დევიზზე დევიზს:
გათავდა ომი სამოქალაქო, მაგრამ ახლოა დრო, ამხანაგო, მსოფლიო ნგრევის... |
პოეზიის გვერდი • • • • • • გალაკტიონ ტაბიძის პოეზია |