ნიკო გომელაური - ქალი ვნახე...

ქალი ვნახე კაფე "ნალში"

რაღაც ვნების ქარმა გამკრა,

ჩამივარდა გულში, თვალში

ის კი უცებ სადღაც გაქრა...

იმის შემდეგ დრო გავიდა,

დამავიწყდა ქალი თითქოს,

მაგრამ ვგრძნობდი, რომ არ მინდა

ვგრძნობდი სული ვნებას ითხოვს.

ვიხსენებდი მის ორ მნათობს,

ცისფერ სხივებს, რომ სტყორცნიდა

და ვხვდებოდი როგორ მათრობს

ის კი ალბათ სხვა კოცნიდა...

დამყვებოდა მცირე დარდი

და მირტყამდა როგორც დენი

ბავშვობიდან კი ვარ მარდი,

მაგრამ მაშინ დავიბენი.

არ ვიცოდი მისი გვარი,

სახელი და ეროვნება...

არ ვიცოდი ყავს კი ქმარი

იქნებ იმას ემონება?

მაგრამ ბოლოს მაინც ვნახე

ვერაზეა კაფე "გირჩა"

იქ დავუგე ლექსის მახე,

იქ კი ვეღარ გადამირჩა...