ნიკო გომელაური - სალამი მეზღაპრევ...

სალამი მეზღაპრევ, რად მოგიწყენია?

რად ფიქრობ დაშვებას აფრების?

სად არის ის ბავშვი, შენში რომ ცხოვრობდა,

ოცნება ჰქონდა და რამდენი?!

ჰეი, შენ მეზღაპრევ, ბედს რატომ ემდური,

სიზმრებს რად ამოსდე ლაგამი?

მერე რა, თუ აწმყო როგორიც გინდოდა

არ არის ისეთი ლამაზი...

ნუ შიშობ მეზღაპრევ, ჩადგება ზღვის ღელვა,

არაფერს გავნებენ ტალღები,

არ გინდა ლამაზი ოცნების დათმობა

ადექი, აშალე აფრები!

მიჰყევი დინებას, მხოლოდ წინ იყურე,

თამამად დალაშქრე ზვირთები...

შენ შენი არია ბოლომდე იმღერე -

ლოჟაში გიცდიან ღმერთები...