ხარხარით ცივი ცრემლების დენას გვაპატიებენ ძვირფასი მკვდრები. კუბოსთან როგორ ვივიწყებთ წყენას, კუბოსთან როგორ კარგები ვხდებით.
და სისხლიან კვართს მალავს უფალი, და სამძიმარიც ათასგვარია, როცა ჩვენ არ ვართ ჭირისუფალი.
და განწირული წივიან ხმები. კუბოსთან როგორ ვმშვიდდებით ყველა, კუბოსთან როგორ კარგები ვხდებით.
ნაყიდი ასე: სულ ერთ მანეთად და სინამდვილეც ჩამოივაკებს - ერთმანეთს ვკარგავთ უერთმანეთოდ!
ამგვარად იძენს პატივს ოცნება და დააბიჯებს საფლავებს შუა, ჩაფიქრებული პატიოსნება.
მოგვაქვს ტკივილის სიჩუმე მხრებით... კუბოსთან როგორ ვიცვლებით ყველა, კუბოსთან როგორ კარგები ვხდებით! |