ანა კალანდაძე - ბავშვი ვარ პატარა

შენ არ იცი და ვერასდროს გაიგებ,

რომ ერთმა გოგონამ ოცნებით გატარა,

აბა ძვირფასო, შენ მე რას გამიგებ

მე ხომ შენს თვალში ბავშვი ვარ პატარა.

მე ხომ შენს თვალში ბავშვი ვარ უმწეო,

რომელსაც ცრემლები გრძნობები ჰგონია,

რომელმაც არ იცის რა არის დარდი

და ჩემი ცრემლები ბავშვური გგონია.

მაგრამ მე კი სულ თავზე გევლები,

ვითარც მოზრდილ ხეს ნიავი დილის,

მაგრამ შენ რად გინდა ცრემლები ბავშვის

ბავშვი ხომ უბრალო რამეზე ტირის.

შენ არ იცი და ვერასდროს გაიგებ,

რომ ერთმა გოგონამ ოცნებით გატარა,

აბა ძვირფასო შენ მე რას გამიგებ,

მე ხომ შენს თვალში ბავშვი ვარ პატარა...