ტარიელ ჭანტურია - ნევროზი

- გოლფი რაა - წყნარი სპორტი -

თვით ეს წყნარი გოლფიც კი -

ნერვებს მიშლის! ვერ ვთამაშობ,

გავხდი ისე გულფიცხი!

ვულფი აგერ, თომას ვულფი!

ეს კაშკაშა ვულფიც კი

ნერვებს მიშლის! ვერ ვკითხულობ,

ვარ ისეთი გულფიცხი!

თავის მოკვლა გადავწყვიტო -

სახრჩობელას ყულფიც კი

ვეღარ დამაკმაყოფილებს,

ვარ ისეთი გულფიცხი!

მაპატიოს - ბოდიშის თქმაც

აღარ მინდა უფლისთვის!

- ნევროზი გჭირს! აბა ცოტა -

ჩვენ ყველა ვართ გულფიცხი...