ტარიელ ჭანტურია - ნარდის თამაში

იუმორესკა

ღამე დინჯად მოადგა ახლად გადაჩალულ სერს.

ცაზე ჩრდილოეთის დათვი გდია, როგორც ჩარუ-სე.

სინანული მოჟონავს გაჩაღებულ ცისგანაც.

ბუდეს ეძებს ბეღურა და საწყალი წიწკანა.

ხელის გულზე გამოვკვებავ მაგ უმწეო ნარჩიტებს..

ის სურათი, ის წერილი ახლაც ისევ ნარდში დევს.

- დამანახე, რა იყო!

- რა იყო და, ჩარი-დუ!

- ერთი წამი დამაცა: გავალ, ვნახავ, ჩაი დუღს?

- ყელი ისე გამიშრა, ჩაის მართლა დავლევდი!

- კარი უკვე ჩავკეტე: რას მაწვალებ, დამნებდი!