ტარიელ ჭანტურია - დაგავიწყდი...

დაგავიწყდი... დაგავიწყდა,

დაგავიწყდა, დაგავი...

ასი დღე და ასი ღამე

ჩემს მკლავზე რომ დაყავი.

ჩამომწერე, როგორც ძველი

ზღაპარი ან იგავი

ის ასი დღე: მე რომ შენი,

შენ რომ ჩემი იყავი.

რომ ეგონე მთელ ქვეყანას

ჩემზე გადაგებული

სურათიც კი არ გვაქვს ერთი 

ერთად გადაღებული.

ვერაფრით ვერ დაგივიწყებ,

ვერაფრით ვერ დაგივი...

ველი მკერდზე შენს შეხებას

ძველი იატაკივით...