მორის ფოცხიშვილი - იყო და არა იყო რა...

იყო და არა იყო რა,

რა იქნებოდა ნეტავ რა?

შეყვარებულთა ქუჩაზე

უცებ რო გამოედარა?

...უცებ რო გამოედარა

სულსაც დავთმობდი სულს

რა დავუშავეთ ქვეყანას?

ჩვენ რომ ერთად ვართ სულ.

დრო რა უეცრად გავიდა

რა უცებ გაიპარაო

მიყვარხარ მეტი რა გითხრა?!

მარტო ეგ როდი კმარაო...

ჭირი იქ, ლხინი აქაო,

ქატო იქ ფქვილი აქაო,

პატარა გოგომ სიზმარში,

პატარა ბიჭი ნახაო...

გვარხევს და კიდეც გვაწვალებს

ვაიმე - მიაქვს გულის ხმას

რა ტკბილია და რა მწარე

ზღაპარი სიყვარულისა...