ოთარ ჭილაძე - ოთახი

 ქალი ტიროდა. გარეთ კი თოვდა

 და გროვდებოდა თოვლი რაფაზე.

 და ქალთან რაღაც საერთო ჰქონდა

 ზამთრის სიმკაცრეს და სიკაპასეს.

 შეშფოთებულნი იყვნენ საგნებიც,

 ან თოვლის შუქზე მოჩანდნენ ასე

 და, რა თქმა უნდა, ჩემზე ნაკლებად

 იტანჯებოდნენ ტირილის ხმაზე.

 ის კი ტიროდა და პირქვე იწვა:

 სურდა ტირილით თავი გაერთო...

 და უკვე თოვლით დაფარულ მიწას

 იმ ქალთან რაღაც ჰქონდა საერთო.